Prezidente Federasaun
Defisienia Tenis Meza, Nelson M. Gusmão hatete, atividade desportu Tenis Meiza
nia objetivu atu hametin pas no dezenvolvimentu liuhusi desportu Tenis Meza,
hodi kontrubi ba prosesu dezenvolvimentu iha rai-laran.
“Eventu ne’ebé ohin ami
hala’o ho objetivu atu hametin pas no dezenvolvimentu ami haree ba aspektu
desportu bai ha tenis meza, tanba ne’e mak realiza eventu ne’e ami hetan apoiu
husi Prezidente Republika no CPNTL hodi realiza atividade ba komemorasaun
restaurasaun independensia ba tinan ne’e. Atleta sira ne’ebé hola parte iha
jogu tenis meza ba komemorasaun indepensia nian ba dala-23 hamutuk 25 ami sei
fahe ba klas hahu husi klas 6, 7, 8, 9,
10 no 11 diferente, tanba jogu internasional ita fahe klas husi numeru ne’ebé iha atu prepara
aan di’ak, hodi ba joga iha nasaun viziñu sira iha desportu tenis meza”, Dehan
Prezidente Nelson iha Salaun Conventu Madre Canosiana, Balide Dili, 24/05.
Iha fatin hanesan, Prezidente CPNTL, Mateus Lucas, fó apresiasaun
ba Madre sira, Prezidente Republika, tanba bele fó apoiu ba EhD liuhusi oferese
fatin no orsamentu ba federasaun tenis
meiza, hodi realiza atividade Desportu, no apresia ba Prezidente Federasaun Defisente
Tenis Meza, nafatin esforsu aan hodi bolu atleta defisénsia sira liuhusi
atividade desportu, hodi selebra hamutuk loron independensia ba dala-23
“Hau hato’o agradese ba
Madre sira oferese fatin ba ami nia membru atleta tenis meza loloos ami ho
governu mak prepara fatin ba sira, ami nia servisu ho governu la’o nafatin
maibé nia prosesu governu nian mak halo duni la’os la halo, maibé halo tuir
etapa ba etapa. Agradese mós ba PR liuhusi sakrifisu ne’ebé fó apoiu EhD hodi hala’o
batividade desportu”, Akresenta Prezidente CPNTL Mateus.
Salienta tan Prezidente
CPNTL, eventu ne’e atu haree atleta sira nia movimentu, treiñu durante ne’e
oinsá, ohin mak determiña iha minutu ida ka rua mak halo imi bele ba oin nomos
halo imi hela, no se mak sai mellor, hodi avansa ba iha oin iha ASEAN para
Games. Husu atleta sira tenke hakas aan manan no lakon iha atleta sira nia
liman, prezidente fasilita de’it atleta sira hakas aan, hodi hakat ba oin,
liuliu ba atleta foun sira, nune’e bele partisipa iha Tailandia bele enkaixa sira
foun balu entre feto no mane, hodi bele hatene loloos sira nia kategoria
klasifikasaun maibé manan no lakon ne’e kestaun ketak ida importante hetan uluk
sira nia klasifikasaun defisénsia.
Tuir Atleta Defisiensia
Tenis Meiza, Inés Fatima hanesan mós treinadór, esplika atividade desportu ne’e,
hodi komemora restaurasaun independesia ba dala-23, tanba ne’e EhD realiza
atividade desportu. Nune’e bele prepara no haree didi’ak atleta sira ne’ebé
kualidade molok foti sira ba partisipa jogu tenis meza iha Tailandia.
“Ami hala’o atividade
ne’e hodi komemora loron restaurasaun independensia Timor-Leste ami halao
atividade ho tenis meza ne’e ami agradese ba PR apoiu ami hodi halao atividade
kona-ba tenis meza, ami nia preparasaun ba to’o nivel internasional iha
Tailandia, ohin loron halo selesaun hodi haree atleta ne’ebé di’ak. Nune’e bele
troka fali ami nia fatin hodi ba joga iha Tailandia no nasaun seluk. Hau gosta
tenis meza tanba hau nia laran hakarak jogu refere durante 2006 to’o agora hau
nafatin inklina aan, tanba ho idade ona hau tenke fó treiñu fali alin sira hodi
troka ami nia fatin ba joga iha nasaun sira no dadaun hau sai hanesan
treinadora ba iha jogu tenis meza nian hodi fó treiñu atleta foun sira.
Jornalista : Geraldino Magno
Editor : Média RKDTL
0 Comments