Dili-23/05/2025-Média Defisiensia, Ministeriu
Juventude Arte no Kultura (MJDAC) liu husi Sentru Juventude Comoro realiza sensibilizasaun
ho tema “Importante atividade Desportivas ba Ita nia Saúde” ba komunidade balun
iha suku Bemori.
Iha
intervista Presidente Komisaun ba programa Delio Mario Lopes hatete, atividade
ne’e servisu hamutuk ho Parseriu sira hodi
bele garante saude ne’ebé di’ak bele hadok an husi moras sira.
“atividade ne’ebé ita realiza ba iha ohin loron ninian seminariu ne’ebé ninia tema maka “Importante atividade Desportivas ba Ita nia Saúde” , atividade ida ne’e ita realiza tanba iha serbisu hamutuk entre sentru no mos parseriu husi Ministeriu Desportu ninian, sentru juventude hetan fundus husi MJDAC hodi implementa program ida ne’e”, dehan Delio ba Média Defisiensia iha Sala Asosiasaun Ema Afeta Lepra Timor Leste AEAL-TL Suku Bemori Postu Administrativu Nain Feto Munispiu Dili 22/05.
Nia
hatutan, objetivu husi sensibilizasaun ida ne’e mak atu fo informasaun saude ba
iha komunidade sira atu bele iha konesimentu kona ba atividade ezersisiu atu
nafatin kuida saude ne’ebé di’ak.
“hau
hanoin objetivu husi atividade ida ne’e maka oinsa ita sensibiliza informasaun
saude ba komunidade sira, tanba dala ruma sira maioria ita nia komunidade sira
la tau importansia ba atividade ezersisiu ne’e, katak ida ne’e importante duni
ka lae ba ita nia saude? Tanba dala ruma ita nia vida ne’e ita nia ezersisiu ne’e
mínimu liu, entaun liu husi sensibilizasaun ida ne’e oinsa ita enkoraja ita nia
komunidade sir abele ativa iha atividade halo ezersisiu sira, la presija dehan
iha talent ba iha desportu mak foin bele halo ezersisiu, maibé enjerálmente
ezersisiu ne’e importante oins aita nafatin kuida ita nia saude,” hakotu nia.
Enkuantu,
atividade ne’e nia kontinuasaun husi tinan kotuk nian, ne’ebé realiza ona iha
nível Postu sira ne’ebé pretense iha Munisípiu Dili nian, aleide ne’e ba tinan
ne’e realiza direta ba iha Suku, kada postu reprezenta suku 1.
Jornalista : Alexandre
Editór : Média RKDTL
0 Comments