“Ita hotu hatene
sorumutu ohin nian ne’e importante tebes ba Governu Timor-Leste ho Governu
Japaun liuhusi Sekretariu Estadu Formasaun Profisional no Empregu ho Assosiasaun
Dezenvolvimentu Rekursu Humanu Japaun do Norte, hakarak simu ita ninia joven
QIT ne’ebé sei ba partisipa espesie
hanesan servisu, maibé Japaun uza fila fali ninia termus ida QIT ne’e sai hanesan
mós Programa Mobilidade Laboral entaun empregadór, ohin mai iha fatin ida ne’e
sira hakarak simu ita nia joven sira ne’ebé atu ba tuir QIT iha Japaun iha
fulan oin mai ida ne’e mak ohin ita selebra MoC ida ne’e, ita ba hasoru mós
hanesan Governu lokal ne’e konvida empregadór sira ne’ebé ohin marka prezensa
iha ne’e entaun kontinuasaun husi ita nia sorumutu ida ba iha Japaun iha
Janeiru 2025 husi ida ne’e empregadór sira ne’ebé mak Governu lokal rekomenda,
ohin mós sira mai asina fila fali MoC, hodi bele haree ita nia joven sira
ne’ebé presiza duni atu ba servisu iha Japaun”, Dehan Sekretariu Estadu Rogéro
Araújo iha Salaun SEFOPE, 02/04.
Sekretariu Estadu
hatutan tan, atividade MoC ne’e foka liu ba Joven sira ne’ebé sei ba servisu
iha área Hortikultura, Agrikultura, no Floresta, maibé tenke prense kriteira no
kumpri ba kultura Japaun nian bainhira servisu iha ne’ebá.
“Área mak Hortikultura,
Agrikultura sira hakarak mós halo investimentu iha Área Floresta sira haree iha
SEFOPE ita iha programa temporariu ne’ebé ita hakarak kuda ai-horis ne’ebé fó
sustentabilidade ekonomia ba iha tempu naruk, entaun sira mós hakarak lori joven
sira husi Timor atu ba partisipa mós iha Área Floresta no ikus iha área atsker katak kuidadu Saude ba iha ferik no katuas sira, ho kriteria primeiru lingua,
kultura no saude, maibé ita Timor mós hatudu hela ba ida ne’e, hahu husi 2023
to’o 2025 seidauk iha traballadór ida mak abskonding iha Nasaun Japaun, ita
garante katak se emosi ne’ebé ita assina ne’e ba futuru ita nia joven sira sei
la sai husi sistema, tanba hahu 2023 to’o agora ita aumenta tan traballadór 35
ne’ebé mak partisipa iha QIT iha Japaun ne’eba”, Afirma SEFOPE.
Iha fatin hanesan
Diretor Jeral Assosiasaun Dezenvolvimentu Rekursu Humanu Japaun do Norte, Kazuo
Suzuki, fó agradese no orgullu ba Governu Timor-Leste, liuhusi SEFOPE hodi
partisipa iha asina MoC ne’e, no ajensia hahu simu traballadór 10 mak sei ba
servisu iha sira nia ajensia, tanba to’o agora kompaña seidauk hatene kona-ba
Timor-Leste sira hakarak introdus ba kompaña hahu ho númeru ki’ik .
“Hau orgullu tebes
katak hau mós partisipa iha asina MoC hamutuk orienta primeiru ne’ebé ita nain
hira ita boot sira presiza mak sé ita koalia kona-ba Japaun tomak nia numeru
mak boot loos so de’it atu hahu simu husi Timor-Leste ba ami nia ajensia ami hakarak
hahu mak nain sanulu (10), ne’e la’os signifika ami nia numeru mak kiik, tanba
to’o agora kompaña seidauk hatene kona-ba Timor-Leste entaun ami atu hahu
introdus ba kompaña sira, no numeru bele sai aumenta to’o barak ami hakarak
hahu ho na’in sanulu depois rekrutasaun di’ak mak bele rekruta tan. Ita boot
sira prepara ema ho kualidade barak ne’e ami bele simu ita boot sira iha joven atus
lima (500) prontu atu haruka ba Japaun ami mai buka tuir Timor ne’e kompaña
ne’ebé sira bele simu atus lima (500)”,Tenik Diretor Assosiasaun Dezemvolvimentu
Rekursu Humanu Japaun do Norte
Entretantu, durante
ne’e servisu iha Japaun minimal tinan tolu to’o lima, depois Timor oan rasik
mak hakarak bele to’o tinan sanulu, husi governu Japaun foin simu kontaktu husi
Diretor Assosiasaun Dezenvolvimentu Rekursu Humanu Japaun sira hahu interese,
tanba Timor-Leste ne’e maioria iha Japaun laran ema barak sedauk hatene kona-ba
Timor-Leste ho razaun ne’ebé sira iha atu simu entaun promosaun informasaun mak
importante tebes.
Jornalista
: Geraldino no Elo (Estajiadu)
Editor : Média RKDTL
0 Comments