ME ASINA MoU HO INSTITUTU CAMÕES HODI REHABILITA ESKOLA EBC FAROL DILI

 

Dili-03/04/2025-Média Defisiensia, Ministériu Edukasaun  asina MoU ho Camões Instuto Cooperação Lingua, I.P Republica Portuges hodi halo rehabilitasaun no Instala Eskola Bazika Central Farol Dili.

Ministra Edukasaun, Dulce de Jesus, hatete agradese ba institu Camões Portugal liuhusi embaixada Portugal, tanba nafatin iha komitmentu fó apoiu ba Ministériu Edukasaun hodi halo rehabilitasaun ba sala aula sira iha eskola bazika Farol.  

“Ita lori estudante sira iha Timorense ho Professores sira hotu agradese ba Instituto Camões liuhusi embaixada Portugal nian iha Timor-Leste, ne’ebé fó apoiu mai ita hodi halo rehabilitasaun ba sala aula sira iha eskola Farol, kuandu ita hetan apoiu sira hanesan ne’e ita agradese, tanba bele hamenus liutan ita nia problema, no ita presiza 1900 sala aula se ema doadór ruma ajuda ita hanesan ne’e ita tenki agradese mós ba ita atu kuidadu fasilidade sira, nune’e fasilidade sira bele uza iha prosesu aprendisajem ho di’ak”, Dehan Ministra Edukasaun iha Eskola Farol Dili, 03/04.

Ministra Edukasaun hatutan tan, Ministériu Edukasaun iha ona lista kona-ba infraestrutura ne’ebé menus, maibé atu harii fazeadamente bazeia ba orsamentu ne’ebé aloka ba ministériu rasik.

“Eskola ne’ebé ita bo’ot sira hatete ne’e iha Ministériu ninia lista infraestrutura Ministériu hatene ona mais ita halo rehabilitasaun ka ita hari ne’e fazeadamente tuir orsamentu ne’ebé mak aloka ba Ministériu Edukasaun nomós ita hetan apoiu horseik husi Governu Japaun inagura eskola ida, ohin ita hetan atu hadia tan ita nia eskola entaun loroloron, tinan ba tinan ita kontinua hadia”, Akresenta ME.

Iha fatin hanesan Prezidente Republika, José Ramos-Horta  dehan, partisipa serimonia asinatura akordu kooperasaun entre Institutu Camões Portugal ho ME ne’ebé Portugal tau osan hamutuk 140 mil dolares maizu menus, hodi rehabilita sala hitu iha eskola Bazika Farol.

“Ohin hau mai iha ne’e hamutuk ho Ministra Edukasaun no Embaixadora atu partisipa serimonia asinatura akordu kooperasaun entre Institutu Camões, Portugal ho Ministériu Edukasaun ne’ebé Portugal tau osan hamutuk 140 mil dolares, maizu menus atu rehabilita sala hitu iha eskola Farol Dili. Tanba eskola ne’e  antigu hahu iha tempu Portugues  1972 inklui Enbaixadora moris ne’e mós tinan hanesan hau mós moris estudante 2000 eskola ne’ebé bo’ot infraestrutura enjeral di’ak presiza manutensaun atu hadia”, Tenik PR.

Entretantu, serimonia asina MoU ne’e partisipa husi Prezidente Republika, Embaixadora Japaun no direktores husi Ministeriu Edukasaun, Profesor no Estudante. Tanba edukasaun importante tebes, esforsu makas hamutuk ho Estadu no Governu atu kolabora no apoiu edifisiu ba joven no labarik sira iha rai-laran hodi kontribui ba prosesu dezenvolvimentu.

 

Jornalista  : Eufrozinha no Elo (Estajiadu)

Editor   : Média RKDTL