MJDAC ASINA MoU HO TELCOMCEL RELASIONA HO JOGU DESPOTIVU CPLP 2025

 

Dili-25/04/2025-Média Defisiensia, Ministériu Juventude Desportu Arte no Kultura asina MoU ho Telekomunikasaun Indonesia Internasional (TL) S.A, ba dala XII jogu Despotivu CPLP iha tinan ne'e Timor-Leste sai uma nain.

Ministru Juventude Desportu Arte no Kultura, Nelyo Isaac Sarmento, hatete ohin governu TL asina MoU ho Telcomcel, hodi apoiu publisidade no fasilidades balu ba desimu segundu jogus CPLP iha iha loron  17-27 fulan Jullu tinan ne’e.

“Ita asina MoU ho Telkomcel ita hatene kataK iha fulan Jullu ita sai uma na’in ba jogus desportiva CPLP, ohin Governu asina MoU ho telkomcel nu’udar patrosinadór prinsipal ba desimu segundu jogu iha tinan ne’e. Telkomsel sei apoiu atividade hotu-hotu ne’ebé relasiona ho jogu CPLP no fó apoiu balu iha komisaun organizadora jogus CPLP nian, hanesan publisidade no fasilidade balun entermus material ba iha kondijende ne’ebé mai husi pais CPLP sira, inkliu apoiu ba voluntariu sira ne’ebé fasilita atividade ba jogus CPLP. Apoiu tekniku balu iha komisaun organizadora, hodi halo rejistrasaun ba semana hirak tuir mai atu rejista kona-ba atleta sira ne’ebé sei partisipa no atleta sira husi pais sira seluk ne’ebé sei partisipa iha jogus CPLP no sei suporta makas tekniku sira husi CPLP no Telkomsel,” Dehan MJDAC Iha Palm Spring Hotel, Fatuhada, Dili, 24/04.

Ministru MJDAC afirma tan, atividade jogu desportu ne’e importante ba joven sira tanba ne’e governu hetan resposta positivu husi Telcomcel iha inisiativu no vontade, hodi fó apoiu balun iha jogu CPLP tinan ne’e.

“Festa desportiva ami loke ba sese mak hakarak atu partisipa apoiu Governu nian maibé ami hetan resposta positivu husi telkomsel, ami sente resposta telkomsel ne’e bele fó inisiativa di’ak, mai ho vontade atu apoiu atividade jogu. Husu telkomsel atu fó apoiu jogus CPLP ne’e, mesmu hanesan esponsor prinsipal sei iha mós esponsor seluk ne’ebé koordenadór ba atividade sei la’o hela no komunika ho instituisaun sira seluk mós balun hakarak apoiu joga CPLP hanesan Governu sempre simu hodi koopera di’ak liu tan iha jogu refere,”, Afima MJDAC.

Iha fatin hanesan, CEO Telekomunikasi Indonesia Internasional, S.A, Benedictus Ardiyanto Priyo, esplika kolaborasaun telcomcel nian ba implementasaun inisiál ba kooperasaun, Telkomcel sei hala'o hanesan Parseiru Ofisial Telekomunikasaun ba eventu konjunta Jogu Desportivu CPLP ne'ebé sei remata iha loron 17-25 Jullu 2025 iha Timor-Leste.

"Kolaborasaun ida-ne'e hanesan ezisténsia loloos husi Komisaun Telekomunikasaun nian, hodi promove inovasaun no harii futuru ba Joven Timor-Leste ne'ebé iha ligasaun dijitál no la haluha kultura no identidade nasionál sira. Ami hein katak sei halo solusaun ida-ne'ebé luan, hamutuk ho misaun iha Impaktu Sosial Timor-Leste liuhusi teknolojia no kreatividade”, Tenik CEO Telcomcel, Benedictus.

Entretantu, Telcomcel nia apoiu hanesan, atu fó asesu ba internét ba média durante eventu, Ajuda planeamentu konteúdu no publikasaun média, inklui transmisaun SMS ba audiénsia Telekomcel tomak atu aumenta popularidade eventu ne'e nian. Prodús anúnsiu dijitál ba promosaun eventu, Prepara plataforma website integradu ba eventu CPLP, Atu fornese kartaun SIM 600 ho kuota internét 25GB ba atleta, delegasaun no kompaña sira, Prepara pakote merkadoria 700, Tulun publikasaun média liuhusi kanál média sosiál sira, sítiu no parseiru ofisiál sira.

Jornalista  : Eufrozina Braz

Editor        : Média RKDTL