Dili-18/03/2025-Média
Defisiensia, Komisaun Anti Korrupsaun realiza
sorumutu ho pontu fokal sira, hodi partilla rezultadu avalisaun relatoriu
segundu siklu auto-avaliasaun ba implementasaun Nasaun Unidas Kontra Korrupsaun
(UNKAK) iha Timor-Leste ba Sosiedade Sivil, Organizasaun Naun Govenamental,
Konfinsaun Relijioja, Komunidade Akademika no Média sira
Komisáriu KAK Rui
Pereira dos Santos hatete, atividade ohin kontinusaun partilla informasaun ba
pontu fokal sira, relasiona ho kontinuasaun avaliasaun UNKAK ne’ebé sei
akontese iha fulan Maio tinan ne’e, nasaun rua sei mai hamutuk ho Sekretariadu Viena
Austria.
“Ohin sorumutu hanesan
kontinuasaun KAK ho parseiru ne’ebé mak ita sente importante tebes atu hola
parte iha UNCAC nian, tanba dokumentu avalisaun ne’e halo ona iha tinan hirak
ba kotuk, ita kontinua tinan ne’e iha fulan Maio nasaun rua mai halo avaliasaun
mai ita. Sira sei mai hamutuk ho ekipa UNCAC husi Sekretariadu UNODC iha Viena
Austria, hodi hala’o avaliasaun hahu loron 25 to’o 30 fulan Maio iha loron rua
ne’e konsulta kona-ba TL nian, liuliu KAK organiza oinsa atu produs Dokumentu
Estratejia Nasional Anti Korrupsaun UNCAC nian, halo avalisaun ba ita husi
nasaun rua nia vizita ne’e hahu loron 27 to’o 29 fulan Maio”, Dehan Komisáriu
KAK iha Salaun Sentru Estudu Diplomatiku MENEK, DILI 18/03.
Komisáriu Komisaun Anti
Korrupsaun hatutan tan, Objetivu enkontru ne’e husi parte sekretariu UNKAK nian,
agradese ba pontu fokal sira nia presensa, husu atu hola parte iha sorumutu
ne’e ho di’ak, hodi hato’o preokupasaun no observasaun sira, tanba sira nia
matan tilun mai husi Sosiedade Sivil no Akademiku.
“Ami partilla
informasaun sira ne’ebé presiza tebes hanesan sosiedade sivil, parte akademiku
no parseiru sira ohin hola parte iha enkontru, tanba importante tebes ba
responsabel média sira nia partisipasaun, nune’e bele iha entendimentu kona-ba
preve no kombate korrupsaun la’os instituisaun sira mesak, maibé KAK nia matan
tilun mai husi sosiedade sivil, média no akademiku sira kazu korrupsaun ne’e
kazu extra ordinariu. Lei numeru 7/2020 hanesan pasu ida importante husi UNKAK
nian, ita nia govenu no parlamentu konsege hasai lei ne’e, hodi hasa’e ita nia
renkin no fó biban ba sira ne’ebé halo prevensaun ba kombate korrupsaun ne’e
atu servisu ho enkuadramentu legal ne’ebé preparadu ona”, Tenik Komisariu KAK.
Entretantu, iha numeru
7/2020 ne’e hatete poder KAK nian bele investiga sektor privadu sira ne’ebé mak
halo tratamentu ka jestaun ba osan la tuir nia fatin ka interese partikular
ne’e atu ONG ka sektor privadu sira karik keixa ba sira, no Komisaun Anti
Korrupsaun rasik iha informasaun bele halo prosesu kedas ba sektor privadu sira
la’os ba funsionariu públiku de’it.
Jornalista : Geraldino Magno
Editor : Média RKDTL
0 Comments