APC-CNOPC REGISTU UMA 18 HETAN ESTRAGUS HUSI DN

Dili-17/03/2025-Midia Defisiensia, Autoridade Protesaun Sivil no CNOPC iha loron 10 too 17 fulan Marco tinan ne’e, durante semana ida rejistu familia uma-ka’in hamutuk 18 hetan estragus husi dezastre naturais, ne'ebé akontese iha Munisipiu haat (4).

Xefe Relasaun Externa no Komunikasaun APC, Nelson de Jesus Orleans afirma, durante akontesementu dezastre iha munisipiu Haat, APC registu uma latama kriteria apoiu deit emerjensia uma 2, no uma ne’ebé priense kriteria ka afetadu hamutuk 16, nune’e APC munisipiu apoiu kedas emerjensia ba vitima sira ne’ebé hetan dezastre.

"Durante semana ida nia laran iha munisipiu 4 Autoridade Protesaun Sivil, rejistu xefi familia uma-ka’in hamutuk 18 hetan estragus husi dezastre naturais ne'ebe akontese ba ema afetadu 60", Dehan Xefe Relasaun Externa APC iha Salaun Konferensia APC Kaikoli, 17/03.

Xefe Relasaun Externa hatutan, iha munisipiu Haat mak APC registu uma 16 ne’ebé hetan estragus husi, anin sobu 15, ahi han 1 no Rai halai sobu uma 2, hetan estragus husi dezastre ne’ebé akontese durante semana ida nia laran.

"Munisipiu haat ne'ebé hetan estragus hanesa Munisipiu Baucau, Posto Laga Suku Soba, Aldeia Butufalu, iha loron 21 fulan Janeiru tinan ne’e akontese ahi han komunidade nia uma 1, iha Suku Samalari, Aldeia Sue uata assi, iha loron 06 fulan Fevreiro tinan ne’e akontese anin sobu komunidade nia uma 1, Suku Salari, Aldeia Salari, iha loron 11 fulan Fevreiru tinan ne’e, akontese anin sobu komunidade nia uma 1, Suku Salari, Aldeia Terubela, iha loron 17/02/2025 akontese anin sobu komunidade nia uma 1 no Suku Taguino mata, Aldeia Tagia, iha loron 14/02/2025 akontese anin sobu komunidade nia uma 1. Postu  Laga, Suku Uatu-Haku, Aldeia Autu-Uasa, iha loron 22 fulan Fevreiru tinan 2025 akontese anin sobu komunidade nia uma 1. Postu Quelicai, Suku Afaça, Aldeia Uligata, iha loron 03 fulan Março tinan 2025 akontese anin sobu komunidade nia uma 1, Suku Guruça, Aldeia Saebere, iha loron 03 fulan Março, akontese anin sobu komunidade nia uma 1 no Suku Abafala, Aldeia Karanu, iha loron 03 fulan Marçoi tinan ne’e, akontese anin sobu komunidade nia uma 1. Munisipiu Bobonaro Postu Bobonaro, Suku Lourba, Aldeia Jobelis, iha loron 09 FULAN Março akontese rai halai estraga komunidade nia uma 1 la tama kategoria apoiu deit emerjensia. Munisipiu Ermera, Postu Atsabe, Suku Lacao, Aldeia Ata-Ubu, iha loron 22 fulan Janeiru, anin estraga komunidade nia uma 1 no Postu Railaku, Suku Fatuquero, Aldeia Palimau, iha loron 12 fulan Março, akontese anin estraga komunidade nia uma 1 la tama kategoria hetan deit apoiu emerjensia. Suku Fatuquero, Aldeia Palimau, iha loron 07 fulan Janeiru, akontese anin estraga komunidade nia uma 1 no Posto Letefoho, Suku lauana, Aldeia Querlelo, iha loron 10 fulan Fevreiru tinan ne’e, akontese anin estraga komunidade nia uma 1. Municipio Viqueque, Posto Viqueque, Suku uma Uain kraik, Aldeia Haldarai, iha loron 10/01/2025 akontese anin sobu komunidade nia uma 1. No kategoria att total no Familia afetadu sira evaqua ba vijinho nia uma", Tenik Xefe Nelson.

Entretantu, vitima ba dezastre naturais sira oras ne’e hetan ona apoiu emerjensia husi komandu APC ho parseriu relevante sira, iha munisipiu ida-idak apoiu ai-han no laos aihan, komandu operasional Autoridade Protesaun Sivil  iha munisipiu sira sei, kontinua halo levantamentu dadus ba uma-ka’in ne’ebé hetan estragus makas, no uma kain ne’ebé hetan estragus naton, bele hetan apoiu iha faze tuir mai.

Jornalista : Geraldino & Elo (Estajiadu)

Editor       : Média RKDTL