Dili-10/02/2025-Media Defisiensia,
Vise-Primeiru Ministru, Ministru Koordenadór ba Assuntu Ekonomiku, Ministru
Turismu no Ambiente, hatete Timot-Leste tama ona ba OMK hanesan membru ho
numeru 166.
Vise-Primeiru
Ministru, MKAE, Ministru Turismu no Ambiente Francisco Kalbuadi Lay, hatete hamutuk ho Adjuntu Sekretariu Jeral
OMK, Embaixadór no ekipa hasoru malu ho Prezidente Republika, hodi komprimenta
no aprezenta atividade avaliasaun ba PR.
“Ha'u
mai hamutuk ho Adjuntu Sekretáriu Jerál OMK, Embaixadór ho nia ekipa tomak sira
na'in tolu, sira mai iha ne'e halo avaliasaun dezde 3 Fevereiru to'o 13. Avaliasaun
sira ne'e halo hotu ona, ohin ondra bo'ot tebes hasoru PR atu kumprimenta ba
Prezidente no sei hasoru Primeiru Ministru Kay Rala Xanana Gusmão, hahú ohin
iha konferénsia bo'ot iha CCD ho membru governu, nune'e mós Parlamentu Nasionál,
ONG, Universidade nomós komunidade lubuk ida”, Dehan Vise-PM Francisco Calbuadi,
iha Palasiu Prezidente Aitarak-Laran, 10/02.
Vise-PM
Ministru Koordenadór ba Assuntu Ekonomiku no MTA, afirma hela mensajen husi Prezidente
Repúblika, José Ramos-Horta nian, fó apresisaun no agradese ba ekipa nasional sira
ba OMK nian, tanba durante tinan barak fó apoiu TL hodi hola parte ba full membru OMK.
“Prezidente
Repúblika agradese servisu ne'ebé durante tinan barak ekipa nasionál nian
hamutu ho ekipa OMK, ita bo'ot sira hatene katak Timor-Leste hanesan primeiru
membru ida ne'ebé tama ba OMK lalais liu ona iha mundu tinan hitu de'it. Agora
tama ona ba full membru katak depois tama hanesan membru saida de'it mak ita
tenke halo durante semana rua, tékniku sira husi nasionál hamutuk tékniku
ne'ebé mai husi OMK, bele sosializa di'ak liu tan benifisiu saida mak ba
Timor-Leste tama ba iha OMK”, Tenik Vise-PM, MKAE no MTA.
Entretantu,
Prezidente Repúblika haksolok tebes kongratula ba OMK nomós agradese ba saida
mak durante kontribui apoiu, nune'e Timor-Leste tama ona ba membru númeru 166.
Iha membru barak mak hein ona, balun to'o agora tinan sanolu-rua nolu ona mós
seidauk konsege tama, tanba seidauk prienxe kritériu ne'ebé OMK nian.
Jornalista : Anselmo & Elo (Estajiadu)
Editor :
Média RKDTL
0 Comments