PREZIDENTE FATL KONKLUI DISKUSAUN HO MJDAK BA JOGU CPLP NO PREPARA KAMPEONATU NASIONAL 2025

 

Dili-06/02/2025-Média Defisiensia, Ministeriu Juventude  Desportu Arte no Kultura hamutuk ho Prezidente Federasaun Atletismu Timoir-Leste halo diskusaun ba preparasaun ba atletismu nian iha kompetisaun rua ne’ebé sei akontes iha tinan ne’e.

Prezidente Federasaun Atletismu Timoir-Leste Afranio Xavier hatete, atividade ne’e atu halo diskusaun ho Ministru Juventude hodi koalia kona-ba kompetisaun rua mak jogu CPLP no Preparasaun ba Kampeonatu Nasional.

“Ohin ami reuniaun ho sua exselensia  Ministru Juventude  Desportu, relasiona ho atletizmu nian iha kompetisaun ne’ebé sei akontese iha 2025, Primeiro mak jogu CPLP ne’ebé  mak enkaixa mós modalidade atletizmu nian iha laran, no Segundu preparasaun ba kampeonatu nasional. Ami hato’o razaun lubuk ida tanba realizasaun kampeonatu nasional sei akontese iha Munisipiu Ermera, hahu iha inisiu fulan Abril”, Dehan Prezidente FATL iha Salaun MJDAK, 04/02.

Prezidente FATL hatutan tan, kampeonatu nasional sei akontese iha eventu rua ida mak atleta juvenil sira nebe idade 16 no senior juvenil sira ne’e atu selesiona ba forma ekipa nasional hodi reprezenta Timor iha jogu CPLP nian. Atleta senior sira atu halo selesaun hodi partisipa eventu internasional seaGames 2025. Programa hotu hetan aseitasaun no orientasaun husi Ministru Juventude husu atu ezekuta orsamentu estadu ho di’ak no responsabilidade, labele viola dekretu lei sira ne’ebé aplika ona iha MJDAK.

“Orintasaun atu prepara no kria atleta kondisaun ho di’ak, prepara tekniku ne’ebé atu realija kampeonatu nasional sai fundamentu iha reuniaun ne’e, tanba solusaun husi kampeonatu nasional iha kategoria rua, ida mak juvinil no senhor juvinil, preparasaun ba jogo CPLP ne’ebé presensa husi pais sia (9) iha CPLP nian. Ita partisipa iha seaGames ne’ebé sei realija iha kapital Bankok antes seaGames no traiaout dala rua, ida mak Maio iha korea do sul, ida Setembro iha Japaun tanba kondisaun estadium Dili sei iha hela prosesu rehabilitasaun husi kompaña, labele utiliza ami hili rua Baucau no Ermera, maibé Baucau dook liu entaun ministru aseita  federasaun atletismu bele realiza kampeoñatu iha Munisipiu Ermera”, Salienta Prezidente AFTL.

Entretantu, Prezidente ATL mós rekomenda husu ba asosiasaun Munisipiu 13 atu prepara an halo didiak, nune’e bele lori atleta sira kualidade di’ak hodi partisipa iha Kampeonatu Nasional. Proposta orsamentu ne’e aseita ona agora federasaun atletismu halo desañu hela  proposta, tanba iha eventu rua, no aumenta modalidade iha ne’eba, oras  ida ita bele depende husi modalidade hira mak ita bele kompete no ema hira malk sei bele tuir, no orsamentu akompaña sei  tuir ida ne’e. Agora labele dehan orsamentu ho montante hira ona, sei fó valor orsamentu ne’ebé sei aplika  ba kampionatu nasional ba iha kategoria rua ne’e.

 

Jornalista : Geraldino, Maria & Nelso (Estajiadu/a)

Editor       : Média RKDTL