DILI-01/03/2025-Média
Defisiensia, Prezidente Repúblika Demokratika Timor-Leste, partisipa
iha fórum futuru ASEAN nian tanba hetan konvite mai husi ASEAN ho Governu
Vietname no rezultadu husi vizita ne’e hatudu Primeiro Ministro Vietname sei vizita Timor-Leste.
Prezidente
Republika José Ramos-Horta hatete, rezultadu vizita estadu ba nasaun Vietname
mak Primeiru Ministru Vietname, Pham Mseiinh Chinh, sei mai vizita Timor-Leste.
"Vietname hanesan
enkontru ofisiál bilaterál ho Primeiru Ministru, Prezidensia Governu sei
prepara, Primeiru Ministru Vietname nia vizita primeiravez sei mai," Dehan
PR hafoin fila hikas husi Vietname iha Salaun VIP Prezidente Nicolau Lobato,
Komoro, Kinta (27/02).
Prezidente afirma, iha
partisipasaun Primeiru Ministru Vietname membru governu lubuk ida no mós
Sekretáriu Jerál ASEAN, Primeiru Ministru Malázia nian ne'ebé Prezidente ba
ASEAN tinan ida ne'e, konvidadu Primeiru Ministru Nova Zelándia ho entidade
lubuk ida tan. Espera katak Primeiru Ministru ita nian, governu bele haree
akordu konkretu ruma rai rua ne'e bele asina, bele implementa.
"Maibé Primeiru
Ministru Malázia hatete ba ha'u sira haree Simeira Outubru ka Novembru konforme
marka mak Timor tama. Sira halo desizaun unanimi Simeira iha Maiu ne'e depois
seremónia adezaun bele akontese iha Simeira Outubru ka Novembru. Ne'e mak
viajen rezultadu konkretu ba vizita Vietname. Hau hasoru malu mós ho Primeiru
Ministru Nova Zelándia, konvida nia atu mai, nia hatete nia hakarak mai, tanba
kleur ona Primeiru Ministru Nova Zelándia la mai iha Timor-Leste ida ne'e nia
hatete, nia kompromete-an sei mai.
Entretantu, iha vizita
ne’e mós hasoru malu ho Sekretáriu Jerál ASEAN no Primeiru Ministru Malázia
buat hotu-hotu prontu atu Timor tama ASEAN fulan Maio iha simeira ida ne'e mak
sira bele halo desizaun ofisiál, no formál denfinitivu.
Jornalista
: Anselmo Martins
Editor : Média RKDTL
0 Comments