FAO ENTREGA EKIPAMENTUS TABLET BA GOVERNU TL

 

Dili-12/02/2025-Média Defisiensia, Food and Agriculture  Organization Of The United Nation, entrega ekipamentu tablet hamutuk 400 ba Governu Timor-Leste liuhusi Ministeriu Agrikultura Pekuaria Peska no Floresta, antes utiliza tablet extensionista husi Munisipiu hetan formasaun dahuluk husi MAP.

Tuir Sekretariu Estadu no Peska Domingos da Conceição  dos Santos, hatete ohin representa Ministru MAPPF, hodi simu tablet 400 ne’ebé oferese husi FAO ba Ministeriu hodi distribui ba extensionista sira kada munisipiu.

“Ita sei fahe ba tablet 400 ida distribui ba munisipiu ba extensionista sira ne’ebé husi FAO mai ita depois ita halo atribuisaun ba ita nia ema prinsipal sira iha munisipiu no iha suku importante iha numeru 400, diresaun sei hamutuk ho FAO fó formasaun ba extensionista sira, depois utiliza kontinua iha tempu seluk tuir mai. Simu ekipamentus tablet. Hau kontente no orgullu apoiu hanesan pasu pozitivu ida husi ajensia internasional FAO bele kontribui, atu melora ita nia prosesu atualizasaun base dados iha kraik”, Dehan Sekretariu Estudante no Peska iha Salaun, MAP Comoro, 11/02.

Sekretariu Estadu no Peska hatutan, reprezenta Ministru manifesta agradesimentu ba kontribuisaun husi parseiru sira kontribui buat balun atu melora di’ak liu mekanizmu atulizasaun base dados hahu husi nivél nasionál ba too baze atu fasilita diak liu tan iha nova sistema agrikultura iha futuru.

“Hakarak fó korazen ba extensionista sira, katak imi hasoru problema menus ekipamentu tantu ekipamentus ba levantamentu dadus sira, ekipamentu ba  tranmsporte ita hasoru duni problema, maibé nafatin bem formadu iha área propriu hodi fó giaun, asistensia ba ita nia to’os na’in sira no fó nafatin informasaun ligadu ho servisu hodi hasa’e produsaun ne’ebé kualidade, nutririvus no sustentavel atraves husi investimementu hodi bele melora servisu atu hasa’e produsaun iha tereñu”, Afirma ”, Sekretariu MAPPF.

Iha fatin hanesan Food and Agriculture  Organization, Country Representante TL no Indonesia, Rajendra Aryal akresenta, seguransa alimentar sai pontu importante ba nasaun ida-idak, tanba ne’e FAO iha komprimisiu apoiu Governu Timor-Leste hodi solusiona problema balun iha Rai-laran.

“Seguransa alimentar ne’e problema ida importante tebes ba nasaun ida ne’e, entaun FAO iha ne’e hakarak atu apoiu governu TL, hodi tau matan no buka solusaun hamutuk ba hadia no mellora situasaun sira iha rai-laran tanba informasaun sira sai faktor importante ida iha prosesu dezenvolvimentu.

 

Jornalista : Aselmo, Maria & Elo (Estajiadu)

Editor  : Média RKDTL