TRABALLADÓR TIMOR-OAN 43 TEMPU BESIK SEI ARANKA BA SERVISU IHA KOREA

 

Dili-15/01/2025-Média Defisiensia,Sekretariu Estadu Formasaun Profisional no Empregu, hamutuk ho inan aman no traballadór 43 asina kontratru, hodi ba servisu iha Korea do Sul durante tinan lima.

Tuir Sekretariu Estadu SEFOPE Rogério de Araújo Mendonça hatete, agradese ba governu Korea simu ona traballadór timor-oan ba servisu iha Korea hamutuk 6 mil i tal iha 2025 ne’e. Atividade serimonia asina kontratu ne’e, atu fó orientasaun ba traballador sira ba servisu tuir regras sira ne’ebé sira promesa ona.

“Objetivu Husi serimonia despedida sira ne’e parte governu hodi fo orientasaun ba traballador sira ita hotu akompaña iha nasaun nia laran no nasaun sira seluk sempre halo problema entaun parte governu kontrola ita nia traballador sira to'o agora sedauk iha problema ruma. Hau apresia tebes ba traballadór sira ne’ebé ba servisu iha nasaun sira kumpri no rona duni orientasaun governu nian, ho serimonia ne’e hodi eduka joven sira oinsa sira ba servisu, hodi tuir regulamentu ne’ebé husi parte estadu rua ne’e iha ona”, Dehan SEFOPE iha Salaun Timor Load, 15/01.

Iha fatin hanesan Deretor DNEE João Correia Pereira dehan, tinan ne’e hahu etapa primeiru husik hela traballador 42 mane no feto ida hamutuk 43 mak sei ba servisu iha Korea iha area peska no Fabrika. 

“Ita hahu primeiru etapa husik hela ita nia alin sira hamutuk 43 no ita iha traballadór 43 ne’e iha ita nia inan feton ida. Korea nian maioria mane hotu kedas tanbá empregador sira deha refere liu mane duke feto sira ne’ebé servisu iha pescas no aréa Fabrika  ne’e ita bo’ot sira hatene servisu fabrika ne’e bo’ot ,sira dala ruma presiza iha forsa atu servisu, husi traballador 43 ne’e ita iha aréa peska  23 no fabrika  20, trabaladór Ree Entri hamutuk 15. Hau espera ita bo’ot sira bele aproveita di’ak ba futuru diak liu tan bele hetan viza E7, ita bo’ot sira lori familia ba hela iha ne’ebá lori oan sira bele ba eskola iha ne’eba moris hanesan Korea sira iha ne’eba”, Akresenta DNEE.

Representante HDR Korea iha TL Kim Min Hee afirma, fó apresia no parabens ba traballadór sira tanba hasoru prosesu barak ohin bele hetan rezultadu diak.

“Hatoo hau nia parabéns ba trabailhador sira no familia sira hotu ba trabalhador sira ne’ebé mak pas aba servisu iha korea, ita nia moris to iha ne’e lafasil ou difisil tuir hau nia hatene karik trabalihador sira bele, tuir kriteiria lei sira ne’ebé mak korea sira dehan kolega sira iha ne’ebá pasti sai diak. Hau fiar katak imi servisu ho di’ak imi tenké hatudu imi nia karakter ne’ebé di’ak imi bele servisu ho di’ak ita bele ajuda familia sira hotu ho ida ne’e kolega sira bele ajuda ekonomia familia bele mos mai dezenvolve ita nia nasaun”, Tenik Rep HDR Korea.

Jornalista : Aselmo & Geraldino

Editor       : Média RKDTL