MNEK REALIZA WORKSHOP KONABA IMPLEMENTASAUN SEGURANSA NUKLEAR INTERNASIONAL IHA TL

 

Dili-28/01/2025-Média Defisiensia, Governu Timor-Leste liu husi  Ministériu Negósiu Estranjeiru no Komperasaun (MNEK)  hala’o Workshop kona ba implementa seguransa nuclear internasional iha Timor-Leste, iha programa ne’e servisu hamutuk ho Governu Australia no Estadus Unidus Amerika.

Diretur Jerál ba Asuntu Multilaterál MNEK  Leoneto Mantilo hatete, liu husi workshop ida ne’e atu partilla informasaun sira kona ba seguransa nuclear internasional no hasa’e konesimentu abilidade Diretores husi parte seguransa hanesan PNTL F-FDTL EOD-UEP no Saúde sira nian ba iha futuru.

“Workshóp ida ne’e entre Timor-Leste Australia  ho  Estadus Unidus Amerika, programa ida ne’e sei halao iha dia 28 to’o dia 31 de janeiru, programa ida ne’e liga ba asuntu Safeguards for TL hanesan ohin hau dehan intervensaun katak, Timor-Leste asina ona akordu tolu (3) iha tinan kotuk ita ratifika e submete ona ba iha sekretariadu Estadu  IAEA nian iha fulan setembru nian através husi misaun permanente Zenebra.

Iha workshóp ida ne’e atu ita partillá informasaun sira ne’e hanesan ita bo’ot sira asiste hanesan iha ne’e, iha Australia husi Estadus Unidus Amerika e depois inklui mo’os husi Indonesia sira mai atu partillá informasaun kona-ba ita nia direitu ho ita nia obrigasaun hanesan estadus unidus ba akórdu ne’ebé ohin hau temi. Agora espera katak husi workshop ida ne’e ita nia tekniku sira bele aproveita tempu ho diak hodi bele halo perguntas, ka dúvidas ne’ebé ita iha hodi hato’o ba sira e hau fiar katak ho sira nia konesimentu abilidade iha área  ida ne’e  sei ajuda ita fo hanoin ka partillá informasaun ne’ebé sira hetan husi parte ida ne’e mak hau hakarak hato’o ba imi,” dehan Diretur MNEK iha Salaun Mau-Bara Room Timor Plaza 28/01.

Fatin hanesan Edward Wilkinson Vise Embaixadór husi Australia, senti orgullu ho akordu ne’ebé Governu parte 3 ne’e asina ona hodi garantia servisu di’ak iha futuru.

“Hau sente orgullu atu kongratula ba Repúblika Demokratika de Timor-Leste tambá ratifika ona akordu tolu (3) ho Agensia Internasional Enerjia no Guverno Australia orgullu atu sesrvisu  hamutuk ho governu Timor-Leste no governu estadus unidus atu hari kapasidade ba servisu importante oi-oin ba iha futuru,” tenik nia.

Enkuantu aleide realiza formasaun refere antes ne’e Governu Timor-Leste Asina ona Akordu ho Governu parte rua kona ba asuntu 3 ne’ebé ratifika ona iha tinan kotuk, submete ona ba iha sekretariadu Estadu  IAEA.

Jornalista                   : Anselmo Martins & Marcos Elo (estajiadu IOB)

Editor                         : Média RKDTL