MAPPF-AUSTRALIA AID LANSA MANUAL NO DISTRIBUI ATRIBUTU BA DIRETOR AGRIKULTURA IHA MUNISIPIU 13

 

Dili-28/01/2025-Média Defisiensia, Ministerio  Agrikultura Pekuaria Peska no Floresta hamutuk ho Governu Australia Aid Lansa Manual Estensaun no entrega atributu servisu estensaun nian ba Direktor Agrikultura iha Municipiu 13, hodi dezenvolve sektor agrikultura iha Timor-Leste .

Tuir Ministru MAPPF Eng. Marcos da Cruz hatete, atividade lansa manual no distribui material uniforme ba extensionista sira, hodi implementa programa sira kada munisipiu ida-idak atu hasa’e produsaun agrikola iha rai-laran.

“Objetivu husi enkontru ne’e iha buat rua ida atu distribui manual extensaun ba Direktor Agrikultura iha Municipiu 13, inklui Raeoa Manual ne’e inportante tebes ba dezenvolvimentu setor agrikultura Pekuaria Peskas no Florestas, tanba manual ne’e hakerek kona-ba pratika agrikultura ne’ebé di’ak, nune’e bele aumenta produsaun. Ita mós distribui material liu-liu ba uniforme sira ba extensionista ne’ebé sei implementa programa extensaun, tanba sira hanesan tekniku ne’ebé treinadu kompriende iha esperiensia, hodi transforma pratika agrikultura di’ak ba ita nia agrikultór sira. Atributu uniforme mak xapeu, botas no faru ba estasionista sira bele apoiu agrikultor karik sira presija estensionista apoiu kona-ba atu kuda haree, halo adubu, halo protesaun ba planta no animal sira”, Dehan Ministru iha Salaun MAPPF Comoro, 27/01.

Ministru MAPPF hatutan, esforsu no koordenasaun  kolaborasuan institusional Ministeriu Agrikultura ho Ministeriu  Estatal, nune’e bele fó servisu ne’ebé di’ak efektivu efikaz ba extensinista  hodi bele aumenta produsaun ba ita nian rain.

“Estensinista uluk ita rekruta 350 resin, maibé agora balun idade ona katuas ona balun mormoras hela ne’ebe ita mos koalia heka ho ministru administrasaun estatal ita bele haree oinsa mak rekursu umanu liu-liu estensionista iha nivel suku no aldeia bele apoiu ita nia agrikultor sira, hodi aumenta produsaun iha Agrikultura Pekuaria  Peskas no Floresta. Uniforme ne’ebé distribui ministeriu no orsamnetu ministeriu sentral nia orsamentu iha diresaun nasional formasaun no extensaun nia orsamentu tinan uluk nian, maibé ita hola uluk ne’ebé agora ita distribui ba diretor sira iha Munisipiu ida-idak”, Esplika Ministru MAPPF

Iha fatin hanesan Counselor DFAT Australia Aid Fabia Shah, afirma fó apresisaun ba Governu Timor-Leste liuliu Ministeriu MAPPF ba servisu hamutuk liuhusi programa TOMAK governu Australia nafatin apoiu programa ne’e hodi hasa’e kualidade servisu estensionista sira nian ba kontrolu no apoiu komunidade sira iha produsaun agrikultura.  

“Ami hetan pedidu atu tulun iha revisaun ne’e konsultór nasional ne’ebé importante tebes hodi suporta revizaun ba estensaun presiza halo konsultasaun ho munisipiu sira, hodi distribui manual sira no asegura servisu estensionista sira nia atu tulun komunidade agrikultor, hodi halo kondisaun espesifdiku hamutuk ho estensionista servisu munisipiu sira, ami hein katak programa TOMAK sei hetan rezultadu ne’ebé di’ak husi produsaun agrikultura”, Tenik Counselor DFAT Australia Aid.

Entretantu, manual ne’ebé hakerek kona-ba pratika agrikultura oinsa produs ai-han husi agrikultura nia parte ai-horis depois bele produs ai-han husi animal, bele hakiak animal, kuidadu animal iha manual balun mós hakerek kona-ba peskas oinsa bele hakiak ikan no koalia kona-ba floresta oinsa bele halo jestaun ne’ebe di’ak hodi proteje ai-horis sira, no Orsamentu sosa uniforme ne’ebé distribui ba extensionista sira hotu orsamentu tinan uluk nian hamutuk 70 mil.

 

Jornalista : Geraldino & Marcos Elo (Estajiadu)

Editor      : Média RKDTL