PR HO KOMETIVA PARTISIPA SELEBRASAUN LORON VITÓRIA IHA BANGLADESH

 

Dili-16/12/2024-Média Defisiensia, Prezidente Republika Demokratika Timor Leste hamutuk ho kometiva daudaun iha hela Banglades ba vizita ofisiál ne'ebé hala'o hosi loron 14 to'o 17 Dezembru 2024. Vizita ne'e hetan autorizasaun hosi Parlamentu Nasionál Timor-Leste, nu'udar bainaka onradu espesial ba iha selebrasaun Loron Vitória iha Bangladexe nian iha loron 16 fulan-Dezembru tinan ne’e.

Prezidente Repúblika no Laureadu Nobel ba Pás José Ramos-Horta hatete, Visita ne’e hetan konvite husi nia belun di’ak Dr. Muhamad Yunus hanesan mós premiadu laureadu ba pás iha tinan 2006 no atual

“Xefe Konselleiru ba Governu Bangladeze (Primeiru Ministru Interino), destaka importánsia hosi relasaun entre nasaun rua ne’e no rekoñesimentu ba knar, nu’udar líder mundiál iha konstrusaun dame no demokrasia. Depois hamutuk ho delegasaun to'o iha Aeroportu Internasionál Hazrat Shahjalal-Dhaka iha tuku 22:40 kalan oras Banglades nian, simu hosi Honorável Konselleiru Xefe Governu Muhammad Yunus no entrega aifunan hodi fó bemvindu no mos akompaña hosi parada military”, Dehan PR liuhusi Komunikadu Imprensa, 15/12.

Prezidente Republika hatutan,loron 15 dezembru Xefe Estadu hahú ona nia vizita ofisiál ho enkontru tete-a-tete (one-to-one) ho Primeiru-Ministru Bangladesh, Muhammad Yunus, iha nia servisu fatin Shimul. Enkontru diskusaun bilaterál entre delegasaun nasaun rua nian depois enkontru líder nai rua, asiste serimónia asinatura Memorandu Entendimentu (MoU) akordu ne'ebé asina hosi Ministru Negósius Estranjeirus no Kooperasaun

“Hamutuk ho kometiva sira sei partisipa iha serimónia resesaun bá selebrasaun tinan 54 Loron Vitória Bangladexe nian. Vizita mós Savar Memoriál Mártires Nasionál Bangladesh no ajenda importante seluk tan. Iha kalan sei partisipa iha bankete estadu nian ne'ebé ofrese hosi Honorável Konselleiru Xefe iha Salaun, Pan Pasífiku Sonargaon Dhaka. Iha loron 16 Dezembru, sei vizita Memoriál Nasionál Martir nian iha Savar hodi fó respeitu ba martir sira husi Funu Libertasaun Bangladesh nian”, Salienta PR.

Prezidente Ramos-Horta dehan, hala'o sorumutu ho Honorável Prezidente Bangladexe nian, Sua Exelénsia Mohammed Shahabuddin, iha Bangabhaban. Líder rua ne'e sei partisipa iha serimónia resepsaun hodi selebra Loron Vitória Bangladesh nian ba dala 54. Serimónia ne’e sei inklui toka hinu nasionál nasaun rua nian, hahú ho Bangladesh nian tuir kedas ho Timor-Leste nian.

“Loron 17 Dezembru, sei hato'o palestra públika iha Institutu Estudu Internasionál no Estratéjiku Bangladeshnian (BIISS) kona-ba "Dezafiu ba Pás iha Mundu Kontemporáneu." nomós sei hala’o sorumutu iha salaun munisípiu ho estudante no líder juventude sira, hodi fahe ninia esperiénsia sira kona-ba Timor-Leste nia luta ba independénsia, viajen lideransa nian, no aspirasaun nasaun nian hafoin independénsia”, Tenik PR.

Entretantu, Prezidente Republika Vizita Estadu dahuluk ba Bangladeshsubliña parseria ne’ebé buras daudaun entre Timor-Leste no Bangladesh, partikularmente bainhira Timor-Leste hakbesik ba adezaun tomak ba ASEAN iha tinan 2025-26, hodi loke posibilidade foun ba kooperasaun no diálogu rejionál.

Jornalista : Aselmo Martins

Editor       : Média RKDTL