Oé-Cuse-13/12/2024-Média Defisiensia,
Ajensia UNFPA hamutuk ho Ministeriu Saúde hala'o lansamentu ba sentru kuidadu
emerjensia obstétriku no neonatal mak dalan
atu redús (KEmON-B) mortalidade ba inan isin rua sira no labarik/ Bebé.
Iha intervista ba jornalista sira Vice Ministru saúde
para o Fortelesimento Instituisional da Saúde José dos Reis Magno hatene, hare
ba númeru mortalidade inan isin rua sira no Bebé husi tinan 2 mai karik aas ho
nune'e sei harii sentru klínika maternidade sira iha kada Munisípiu hodi bele
fasil halo Tratamentu atu nune'e bele redús númeru refere.
"ita nia númeru mortalidade inan ne'e sei aas
depois ita nia mortalidade ba Bebé sira foin moris mai ne'e mós sei aas, depois
ita nia oan sira husi tinan rua mai kraik ne'e sei aas, governu desde inisiu
independensia to'o mai agora governu halo esforsu makas hodi mai to iha ne'e
ita halo ona revizaun lubuk ida, mais ne'e seidauk too'o esforsu nafatin hodi
kontinua halo tan, ita hare ba kapasidade ita nian ne'e ita Tenki halo
Munisípiu ida halo fatin rua klínika
ne'e mak ita hasape nia kapasidade no ita nia profisionais sira tenki tuir
treinamentu para atu nune'e sira bele hala'o sira nia kna'ar sira. ekipamentu
ba KEmON-B ne'e kompletu los, ne'ebé ita espera katak ita nia profisionais
saúde sira kapás los ona ohin sira hetan ona sertifikadu endors ne'e katak sira
ne'e treinadu ona espera katak sira sei hala'o servisu ne'e ho di'ak,"
Vice Ministru Saúde dehan iha Rejiaun Administrativu Pasabe Rejiaun Oecuse
Ambeno 12/12.
Fatin hanesan Reprezentante Ajensia UNFPA Dotora
Triana Oliveira hanesan Jerente programa Saúde reprodutiva iha UNFPA hatene,
UNFPA suporta Ministeriu Saúde ne'ebé hetan apoiu husi governu Austrália hodi
establese sentru KEmON-B 6 ba Munisípiu 6, no kompromete sei nafatin suporta
hodi harii tan 20 iha Munisípiu 12 inklui Ataúru no Likisa iha tinan oin.
" hanesan ita hotu hatene katak durante ida ne'e
UNFPA suporta Ministeriu Saúde ne'ebé tulun husi governu Austrália to'os ohin
loron establese ona sentru KEmON-B 6 iha Munisípiu 6 agora dadaun Pasabe mak
ita lansa ohin i hahú tinan oin UNFPA fo komprimisiu suporta husi governu japan
eleva tan sentru KEmON-B 20 iha Munisípiu 12 inklui Ataúru ho Likisa,"
dehan Reprezentante UNFPA.
Nia hatutan, liu husi sentru maternidade ida ne’e atu
fo atendimentu emerjensia ba inan isin rua sira no bebé sira, no sentru refere
kompleta ona ho pesoal saude treinadu no ekipamentu sira ne’ebé bele fasilita
pesoal saude sira hodi halo atendimentu 24 oras iha loron 7 nia laran.
“ maternidade ne’ebé mak ita eleva atu forneese
kuidadu emerjensia obstetrika ba inan no ba Bebé ne’ebé foin moris ida ne’e
antes ita lansa sai sentru KemON B ita presija asegura pilar 3 ne’ebé ke mak
importante primeiru iha setor treinadu iha fasilidade refere molok ita eleva
tenki iha médiku no parteira treinadu atu bele fo atendimentu ba inan no bebé,
ssegundu presija iha ekipamentu médiku no ekipamentu non médiku no mos suplai
hirak ne’ebé nesesita ba iha sentru refere inklui jobs no seluk tan, terseiru
mak funsionamentu infraestrutura husi maternidade ne’e rasik atu asegura ho bee
mos no eletrisidade nune’e infaestrutura ne’e bele funsional 24 oras no mos pessoal
saúde treinadu bele fornese atendimentu
KemON Báziku durante 24 oras iha loron 7 nian laran,” tenik nian.
Nune’e reprejenta profisional parteira Domingas da Cunha Nia hatete, kompromente sei
esforsu makas hodi bele kuidadu inan isin rua sira no mos Bebé sira atu la bele
hetan tratamentu ne’ebé di’ak.
Ekuantu sentru Saúde KemON B ne’e kompleta ho sala 7
sala kuidadu antenatal, sala pesoal saúde, sala planeamentu familia, sala
imunizasaun, sala ba partu inan isin rua sira nian, sala akonsellamentu, Ekografia
no sala pos-natal iha kada sala kompletu mos ho kama no AC. No total orsamentu
ne’ebé gastu ba halo reabilitasaun sentru refere hamutuk 50 mil inklui gastu ba
atividade iha lansamentu ne’e kuaze 10 mil itál husi orsamentu hirak ne’e hetan
apoiu husi Governu Australia.
Jornalista : Alexandre
Editor : Média RKDTL
0 Comments