Dili-02/12/2024-Midia
Defisiensia,
Autoridade Protesaun Sivil iha loron 18 too 25 fulan Novembro tinan 2024
durante semana ida, rejistu familia uma-ka’in hamutuk 46 hetan estragus husi
dezastre naturais, ne'ebé akontese iha munisipiu Lima (5) iha semana ne’e.
Xefe Relasaun Externa no Komunikasaun APC, Nelson de
Jesus Orleans afirma, durante akontesementu dezastre iha munisipiu Lima, APC
registu uma latama kriteria, apoiu deit emerjensia uma 15, no numeru uma ne’ebé
priense kriteria ka afetadu hamutuk 5, nune’e APC munisipiu apoiu kedas
emerjensia ba vitima sira ne’ebé hetan dezastre.
"Durante semana ida nia laran iha munisipiu Lima
Autoridade Protesaun Sivil, rejistu xefi familia uma-ka’in hamutuk 46 hetan
estragus husi dezastre naturais ne'ebe akontese ba ema afetadu 31", Dehan Xefe
Relasaun Externa APC iha Salaun Konferensia APC Kaikoli, 02/12.
Xefe Relasaun Externa hatutan, iha munisipiu Lima mak
APC registu uma 46 ne’ebé hetan estragus husi, anin sobu 5, ahi han 26 no Bee
sa’e 15 hetan estragus husi dezastre ne’ebé akontese durante semana ida nia
laran.
"Munisipiu Lima ne'ebé hetan estragus hanesan
Munisipiu Ainaro, akontese ahi han uma ida, Atauro, akontese anin sobu uma
tolu, Dili, akontese ahi han komunidade nia uma 23, Bobonaro, akontese anin
sobu uma ida no bee sa’e uma 15 no Manatutu akontese anin sobu uma ida no ahi
han rua", Tenik Xefe Nelson.
Entretantu, vitima ba dezastre naturais sira oras ne’e
hetan ona apoiu emerjensia husi komandu APC ho parseriu relevante sira, iha
munisipiu ida-idak apoiu ai-han no laos aihan, komandu operasional Autoridade
Protesaun Sivil iha munisipiu sira sei,
kontinua halo levantamentu dadus ba uma-ka’in ne’ebé hetan estragus makas, no
uma kain ne’ebé hetan estragus naton, bele hetan apoiu iha faze tuir mai.
Jornalista :
Geraldino Magno
Editor :
Media RKDTL
0 Comments