Dili-02/12/2024-Midia
Defisiensia,
Autoridade Protesaun Sivil iha loron 25 too 02 fulan Dezembro tinan 2024
durante semana ida, rejistu familia uma-ka’in hamutuk 6 hetan estragus husi dezastre
naturais no ema mate ida, ne'ebé akontese iha munisipiu Haat (4) iha semana
ne’e.
Xefe Relasaun Externa no Komunikasaun APC, Nelson de
Jesus Orleans afirma, durante akontesementu dezastre iha munisipiu Haat, APC
registu uma latama kriteria, apoiu deit emerjensia uma 3, no numeru uma ne’ebé
priense kriteria ka afetadu hamutuk 3, nune’e APC munisipiu apoiu kedas
emerjensia ba vitima sira ne’ebé hetan dezastre.
"Durante semana ida nia laran iha munisipiu Haat
Autoridade Protesaun Sivil, rejistu xefi familia uma-ka’in hamutuk 6 hetan
estragus husi dezastre naturais ne'ebe akontese ba ema afetadu 38", Dehan Xefe
Relasaun Externa APC iha Salaun Konferensia APC Kaikoli, 02/12.
Xefe Relasaun Externa hatutan, iha munisipiu Haat mak
APC registu uma 6 ne’ebé hetan estragus husi, anin sobu uma haat no Bee sa’e 2
hetan estragus husi dezastre ne’ebé akontese durante semana ida nia laran.
"Munisipiu Haat ne'ebé hetan estragus hanesan
Munisipiu Aileu, akontese anin sobu uma ida, Bobonaro, akontese anin sobu uma
ida no mate ida, Dili akontese anin sobu uma ida no bee sa’e uma rua no Ermera
akontese anin sobu uma ida", Tenik Xefe Nelson.
Entretantu, vitima ba dezastre naturais sira oras ne’e
hetan ona apoiu emerjensia husi komandu APC ho parseriu relevante sira, iha munisipiu
ida-idak apoiu ai-han no laos aihan (food
item & Non-food item), komandu operasional Autoridade Protesaun
Sivil iha munisipiu sira sei, kontinua
halo levantamentu dadus ba uma-ka’in ne’ebé hetan estragus makas, no uma kain
ne’ebé hetan estragus naton, bele hetan apoiu iha faze tuir mai.
Jornalista :
Geraldino Magno
Editor :
Media RKDTL
0 Comments