Dili-27/11/2024-Média
Defisiensia, Forum Komunikasaun ba Feto
Timor-Leste, Fokupers realiza komunikadu relasiona ho situasaun Violensia
Domestika sei kontinua hafalun feto no labarik feto sira, tanba durante ne’e Fokupers
rejistu hamutuk 557 no feto na’in lima mak mate.
Tuir Porta Voz Fokupers
Lucia Fatima da Silva hatete, durante tinan lima sira rejistu kazu hamutuk 557
Violensia Domestika, no kazu violensia seksual hamutuk 301 no feto balu mate,
tanba hetan violensia husi parseiru.
“Kazu 557 Violénsia
doméstika hasoru fen no 301 kazu violénsia seksual hasoru feto no labarik feto,
durante tinan 5 ne'e nia laran, Feto na'in 5 mate Violensia doméstika-
violénsia husi laen no labarik-feto ida mate, tanba violensia seksual no
violénsia fiziku iha uma laran. Violénaia hasoru feto no labarik-feto kontinua
as. Liuhusi ámbitu kampaña loron 15 ativizmu kontra violénsia hasoru feto no
labarik-feto, Fokupers bolu nafatin ita hotu-hotu nia atensaun atu ita hotu
hamutuk halo mudansa ba Timor-Leste ida neʼebé hakribi violénsia hasoru feto no labarik-feto. Asegura vitima sira asesu
lalais no adekuadu ba servisu rekuperasaun, akompañamentu legál no justisa, Hapara
impunidade, ejize responsabilidade ba autor violénsia sira, estabelese
toleránsia zero ba violénsia hasoru feto no labarik-feto sira, halo
investimentu ho seriedade iha pervensaun no responde sedu ba violensia”, Dehan
Porta Voz ba jornalista sira iha Fokupers, Farol, 27/11.
Porta Voz hatutan, violensia domestika nafatin akontese ba feto no labarik feto sira durante okupasaun to'o agora feto
ho idade 15 ba leten hamutuk 66% sira esperiensia ona violensia husi parseiru moris.
“Depois ukun aan,
situasaun violénsia sei kontinua hafalun feto no labarik-feto nia moris 33%
feto ho idade 15-49 esperiensia ona violénsia husi parseiru moris, signifika
feto na'in 1 entre na'in 3 hetan violénsia iha nia moris. Violensia la'os de'it
akontese ba feto adultu, maibé feto hasoru violensia hahu kedas husi labarik.
Iha dadus DHS hatudu 66% feto hetan ona abuzu fiziku, no 24% feto hetan
esperiensia abuzu seksual, bainhira sei labarik. Organizasaun fornesedor
servisu asistensia ba feto no Labarik-feto sira, inklui polisia VPU-Loron-loron
simu keixa no fó asistensia ba feto no labarik-feto sira ne'ebé sai vitima ba
violénsia bazeia ba jéneru. tinan 5 nia laran, Fokupers rejista total maris 557”,
Tenik Porta Voz Fokupers.
Entretantu, atividade
komunikadu ne’e “Hamutuk ita halo Mudansa” ba Feto moris laiha diskrimasaun no
violensia mak sei kontribui ba familia nia haksolok, sira nia moris laiha
violénsia sei kontrubui ba komunidade no sosiedade moris iha armonia. Feto nia
moris bele hatudu loloos ita-nia fiar neʼebé sai ita-nia kultura. Feto nia
moris laiha violénsia mak sei hametin ekonomia familia no nasaun, sira nia
moris bele atinji loloos nasaun ne'ebé moris iha igualdade no respeita direitus
umanus no feto nia moris laiha violénsia mak sei hatuur aliserse ne'ebé metin
iha familia, sosiedade no nasaun.
Jornalista
: Geraldino Magno
Editor
: Média RKDTL
0 Comments