UNDP-CIREP REALIZA TREINAMENTU PROGRAMA CASH-FOR-WORK BA AL

Díli-07/10/2024-Média Defisiensia, United Nations Development Programme (UNDP) ho CIREP, konklui treinamentu ba programa Cash-For-Work ba Autoridade Lokal husi Munisipiu Lima.

Reprezentante Diretor Jeral Dezenvolvimentu Lokal, Elbino Bonaparte do Rego hateten, agradese ba UNDP fornese treinamentu ne’e ba partisipante atu hatene kona-ba implementasaun atividade Kriteriu Rekrutamentu Komunitariu, Planu Saude Seguransa, Mitigasaun Risku no Manual Foun Cash-For-Work ne'ebe dezenvolve husi projetu CIREP no manual refere esplika prosesu no atividade pratika sira no instrumentu monitorizasaun atu asegura garantia implementasaun evidensia no efikasi iha terñu.

"Treinamentu kona-ba Infraestruturas Komunidade ba Reziliensia ba programa Cash-for-Work ba Autoridade Lokal ba projetu servisu atu proteje komunidade sira iha área rural liuliu atu reforsa rezilensia ba infraestrutura komunitaria, hodi asegura servisu ba asesu baziku hanesan Saude, Edukasaun, Merkadu, Irigasaun, Bee no Saneamentu. Agradese ba UNDP liuliu ba guvernu Japaun mak suporta UNDP atu tulun komunidade sira no servisu hamutuk ho Ministeriu Estatal, hodi hadia komunidade sira nia moris iha baze ho sira nia tulun bele kiik maibe sai pilotu ida ba ita atu hadia ita nia moris. Projetu ne'e bazeia ba UNDP ninia haree, tanba ne'e sira haree ba komuniddade iha suku no aldeia sira nia prioridade mak ida ne’ebé, no ba projetu sira  iha tipu 7 ne’ebé  hala'o primeiru mak Saude, Edukasaun, Merkadu, Irrigasaun, Bee, Saneamentu no Estrada  nune’e bele fó benefissiu ba povu sira”, Dehan Rep. DJDL, Elbino, iha Salaun Novo Turismo, 04/10.

Representante ne’e rekomenda, ba komunidade hotu, atu haree ba osan mais haree ba oinsá atu tau fiar, atu ema nia tulun sira ne'e hala'o ho kuidadu didi'ak ba sasan sira hanesan ita nian rasik hahu hosi lideransa komunitariu sira to'o komunidade tomak, tenki sente buat ne'ebé halo ba ita hotu nia diak iha futuru.

Tuir Deputy Resident of UNDP Adeline Carrier afirma, atividade treinamentu ne'e haree liu ba konstrusaun/reabilitasaun infraestrutura komunitaria 46 iha Munisipiu lima, no esforsu ida-ne'e ho objetivu atu hadi'a servisu baziku sira hanesan Saude, Edukasaun, Merkadu, Irrigasaun, Bee no Saneamentu.

"Iha tinan 2024, projetu ne'e sei hala'o konstrusaun 13, iha Munisipiu hanesan Bobonaro 2, Ermera 2, Liguica 4 no RAEOA 5, ne'ebé inklui sistema bee, sentina publika, ponte, sistema koa bee-matan, didin gabion/retensaun, no sentru inan-aman. Tanba ne'e to'o tinan 2027 total uma-kain hamutuk 16,000 no ema na'in 75,000 sei hetan benefísiu husi atividade projetu ne'e" Adeline Carrier esplika.

 

Programa Cash-For-Work sei hala'o durante konstrusaun no reabilitasaun foun ba infraestrutura komunitaria 46, hodi fornese oportunidade servisu ne'ebe vulneravel ba komunidade sira ho jeneru, atu hasa'e sira-nia moris sustentavel no moris iha área rural sira. To’o tinan 2027, estimativa katak membru komunidade hamutuk 4600 sei hetan benefisiu husi atividade ne’e no 50 % ne'ebé sei sai forte iha futuru. Liuhusi apoiu finanseiru dolar amerikanu millaun 5 husi Governu Japaun, UNDP no Measurement System Analysis kompromete ona ba dezenvolvimentu sustentavel Timor-Leste.

Iha fatin hanesan Xefi suku Dukurai, Postu Administrativo Letefoho, Munisipiu Ermera, Rafael Soares Maia afirma, agradese UNDP ba projetu ne'ebé mak oferese baa mi komunidade liuhusi programa UNDP nian ba disponivel, hodi loke estrada no ponte ida iha ba suku Dukurai nune’e bele fasilita komunidade halo movimentu ba mai.

"Ha'u agradese UNDP, tuir ha'u nia haree iha ponte ne'ebé la sufisiente ba ami komunidade, iha area ha'u nian ne'e luan tebes sai preokupasaun ba ha'u nia komunidade rasik ba ponte ho Estrada no preokupasaun seluk mak eskola balun seidauk konstrui, nune'e ba prezensa ohin ita hamutuk iha ne’e ho guvernu Japaun liuhUsi UNDP bele haree hamutuk fila fali preokupasaun sira ne'ebé mak agora dadaun iha hodi halo kooperasaun ho ami autoridade ami garantia katak ba konbtribisaun ne'ebe iha ha'u prontu atu servisu ho komunidade no koopera nafatin ho UNDP ne'ebé loke ona prejetu ba iha ha'u nia suku ne'e rasik”, Tenik Xefi suku Dukurai Rafael.

Entretantu, iha suku Dukurai iha parte tolu mak sai preokupasaun  ba edukasaun, estrada inklui ponte no bee populasaun iha suku refere kuaze rihun neen resin, iha aldeia hamutuk 13 ne'ebé mak lakobre duni hosi bee moos no estrada. Tanba ne’e projetu ne'e sei hala'o iha tinan 2024 konstrusaun 13, iha munisipiu lima, ne'ebé hola parte iha  sistema bee, sentina publika, ponte, sistema koa bee-matan, didin gabion/retensaun, no sentru inan-aman.

Jornalista : Geraldino Magno

Editor       : Média RKDTL