SEI REALIZA DISKUSAUN REDE REFERAL BA DALA TOLU HODI REDUS VBJ IHA TL

Dili-18/10/2024-Média Defisiensia, Sekretariu Estadu Igualdade hamutuk ho parte relevante sira realiza diskusaun Rede Referal ba dala tolu, hodi koalia kona-ba Violensia Bazeia ba Jeneru durante ne’e sira hala’o advokasia iha baze.

Tuir SEI Elvina Sousa Carvalho hatete, apresia ba parte hotu ne’ebé presensa iha atividade enkontru rede referal atu luta no hakore feto maluk sira husi problema oinoin ne’ebé hasoru durante ne’e, liuliu VBJ no iha diskusaun ne’e, hodi  halo koordenasaun no komunikasaun ho rede referal sira atu hala’o servisu ho diak.

“Enkontru rede referal ne’e ho objetivu atu halo koordenasaun no komunikasaun nune’e rede referal sira bele hala’o sira nia servisu kona-ba planu asaun nasional ba VBJ ne’ebé mak fó servisu ba membru rede referal sira, bele halo sira nia servisu ba prevensaun VBJ. Hau hanoin SEI nafatin hala’o servisu no advokasia ba parte hotu liuliu ba sosiedade sira atu muda mentalidade, dala barak haree feto mak iha segundu klase no mane maluk balu hanoin sira mak iha direitu tomak atu halo Violensia hasoru feto, violensia dosmestika, violensia fisika no abuzu sexual ba feto maluk sira no labarik feto sira. SEI nafatin halo sensibilizasaun ba hahalok ne’ebé deskriminativu no hahalok ne’ebé halo feto sai vitima hela de’it no SEI sei servisu ho parte relevante sira hotu, hodi hakotu aktu hirak ne’e”, Afirma SEI Elvina iha Salaun SEI Caicoli, 18/10.

Hatutan Sekretaria, enkontru ohin atu diskute kona-ba feto nia direitu ba rai, ba dokumentu sira labarik sira nian, tanba lei iha ona ema hotu iha direitu hanesan tantu feto no mane.

“Dadaun ne’e lei iha ona feto mós iha direitu ba rai ka sai na’in ba rai nomos direitu hanesan iha lei nia oin, husu feto maluk sira atu rekere ita boot sira nia direitu, tanba lei iha ona feto ho mane direitu hanesan, no atividade ne’e kolia kona-ba sertidaun batismu, ba labarik sira ne’ebé moris ho aman deskoinesidu, kolia mos feto sira nia direitu ba rai, labarik sira, prevensaun trafiku umanu no prevensaun HIVSD”, Tenik SEI.

Entretantu, iha enkontru rede referal ne’e kolia liu kona-ba Violensia Bazeia ba Jeneru iha Timor-Leste onsa atu luta hodi kore problema hirak ne’e, iha diskusaun ne’e partisipante husi Ministeriu Edukasaun, Ministeriu Saude no Rede Referal sira hotu.

Jornalista  : Geraldino Magno

Editor       : Média RKDTL