REITOR UNTL HALO LANSAMENTU BA VIDEO HO TITULU “ARTE HANORIN”

 

Dili-18/10/2024-Média Defisiensia, Universidade Nasional Timor Lorosa’e (UNTL), Faculdade Ciensias Sociais nia Departamento Comunicação Social, realiza atividade lansamentu video ho tema “arte hanorin” durate ne’e.

Tuir Reitor UNTL, João Soares Martins hateten, agradese no orgullu ba video ne’e lansa nia versaun furak tebes, hodi fanu manorin-na’in no estudante sira atu bele hatene di’ak liu tan kona-ba “arte hanorin”.

“Agradese no orgullu tebes iha biban ne’e, mai halo lansamentu ba video ida ho titulu “Arte hanorin” maibé atu dehan katak filme ne’e furak tebés atu hafanu fali professór sira nomos estudante sira ne’ebé mak aban bainrua hakarak sai hanesan dosente ka mestre tantu iha universidade iha eskola primaria sira, ita tenke hatene arte hanorin no arte ensiar professór tenke hatene ida ne’e, tanba iha sala laran estudante sira mai husi begraun oioin  balu matenek tebes, balu matenek naton no balu nonok de’it, entaun oinsa mak atu bele iha sala ambiente mais kunduzivu kada prosesu aprendisajen  ne’e  husi professór ba estudante  bele la’o ho di’ak”, Dehan Reitor UNTL iha Salaun FCS Caikoli, 17/10.

Reitor hatutan, ita presiza arte bainhira manorin ida atu hanorin tenke ho nia arte rasik nune’e bele dedika estudante sira ho di’ak, tanba liuhusi filme ne’ebé lansa ne’e hanesan arte jenatu id aba estudante no manorin sira atu bele uza iha prosesu apredijazem.

“Presiza arte ida ne’e hanesan arte de ensinu ne’e importante tebes ba professór, talentu  ne’ebé mak  professór sira iha, atu halo klase ne’e vivu moris parsitativu ativu ne’e presiza skill, presiza talent no presiza arte siensia, ita garantia ita nia mensajen siensia koñesimentu transmite ne’e  husi professór simu, tanbá uluk nomos  estudante sira ne’ebé nia hakarak ninia esperensia  nia maneiria simu professór sira bele aprende husi ne’e, nune’e bele iha prosesu aprendizajem no  filme ne’e arte jenatu ida”, Tenik Reitor.

Entretantu, husu ba professór sira tenké asiste filme refere no estudante sira  karik hakarak sai professór iha future, bele asiste filme ne’e no bele halo mudansa iha arte sira ne’ebé iha tuir ema ida-idak nia abilidade.

Jornalista : Anselmo Martins

Editor : Média RKDTL