MS REALIZA KONFERENSIA SIENTIFIKA SIRURJIA BA DAHULUK IHA TL

Dili-03/10/2024-Média Defisiensia, Ministeriu Saude Liuhusi Vise Ministro Saude ba Operasionalizasaun Ospitaál (V-MOH), abertura ba atividade Konferensia Sientifika Sirurjia  dahuluk nian  iha Timor-Leste.

Tuir Vise-MOH Flavio Brandão Mendes de Araújo hatete, atividade diskusaun ne’e entre mediku sira, husi área oinoin, hodi halo diskusaun Sientifika Sirurjia  hamutuk liga ho servisu saude nian.   

“Ita Iha mediku sirurzaun ne’ebé mak treinu iha nasaun oinoin iha Kultura Edukasaun iha nasaun oinoin, ita nia mediku sira espesialista sira iha disipilina oinoin Hortopediatria, pediatria, Plastiku no Sirurjia Jeral. Ita la kiak no menus iha rekursu area sirurjia ita presiza deit mak oinsá forsa traballu sira ne’ebé bele hetan kondisaun diak atu bele forma diak liu tan ho nia autkam mak ita hetan fiar ba mediku sira iha rai laran”, Dehan Vise-MOH Falvio Iha Salaun City 8, 03/10.

Vise-MOH hatutan tan, atividade ohin importante ba médiku sira atu tau ideia hamutuk ba dezenvolvimentu servisu iha HNGV nian iha Departamentu Jirurjia.

“Ohin Loron Importante ba sira atu halo loron sientifiku ba ita nia rai laran selebrasaun ne’e hanesan forma sosiedade ida nune’e ba oin mais organizadu ba oin hodi kontribui hamutuk ho parseiru sira ne’ebé iha ligasaun no mediku sira balun husi nasaun seluk mai fó hela kontribuisaun ba ita nia dezenvolvimentu, iha ita nia rai. Mediku sira bele halo ona servisu hotu ita presiza mak fiar husi lider sira ba ita nia jestaun, nune’e ita labele haree ita ne’e kiik maibé haree didiak ita ne’e la kiik se ita tau buat hotu iha nia fatin ita ne’e laos kiik  ita nia rekursus liuliu iha área sirurjia ne’e nia durasaun  mais boot hanesan ita. Forsa traballu ne’e refere ba forsa traballu espesialista  iha área ne’ebé  iha sirurjia nian, no ita nia mediku sufisiente  ona atu fó asistensia ba pasiente sira. Tnaba ne’e hau fiar katak diskusaun loron rua ne’e bele iha diskusaun klean liu ba isu sira ne’ebé mak  kabe ba espesialidade sira nian, hodi asegura HNGV no halo dezenvolvimentuiha ospital”, Afirma Vise-MOH.

Iha fatin hanesan Diretora Klinika HNGV, Ana Magno afirma, agradese ba oportunidade tanba loron importante ba médiku husi rai-li’ur no rai-laran, ohin diskusaun hamutuk, hodi fahe ideia ba malu relasiona ho Departamentu Sirurjia nia servisu ba oin, atu bele fó tratamentu ba ema hotu ho di’ak,  

“Loron ohin importante ba ami atu halo konferensia dahuluk ba Departamentu Sirurjia ne’ebé halibur maluk sira husi nasaun seluk no rai-laran rasik, hodi apresenta sira nia atendimentu ne’ebé unik ba ita nia pasiente sira ne’ebé baixa iha HNGV. Hau espera katak husi konferensia ne’e bele fahe ideia ba malu ho diak kona-ba kazu sira ne’ebé  haree, estraordinariu no limitasaun ne’ebé mak sira haree, hodi fó tratamentu ba kazu sira, no fó ideia ba malu atu bele dezenvolve Departamentu Jirurjia ba oin no fó tratamentu ba ema hotu”, Tenik Diretora

Jornalista : Geraldino Magno

Editor : Média RKDTL