CBRNTL REALIZA DISKUSAUN ATIVIDADE TRIMESTRAL HO NJO SIA

 

Dili,02/10/2024,Média Défisiéncia, Community Based Rehabilitation Network Timor-Leste (CBRNTL), realiza eventu aprendesajen trimestral  ho NJO sia, hodi hasa’e partisipasaun no involvementu ema ho defisiéncia iha programa  governu no organizasaun sosidade sivil sira iha Timor-Leste.

Diretora CBRNTL Norberta Soares hateten, Atividade ohin atu halo diskusaun ba servisu trimestral ne’ebé NJO sia servisu hamutuk ho IOJD ba atividade advokasia  nian oinsa atu envolve ema ho defisiensia iha programa sira ne’ebé sei realiza iha TL.

“Ohin liga ho eventu aprendesagem trimestral ba enjeo sia, ne’ebé mak servisu hamutuk ho IOJD  ba advokasia  governasaun diak iha Timor-Leste  entaun eventu  aprendesagem trimestral ohin loron  ne’e  foka liu ba oinsa hasae partisipasaun no mo’os envolvementu  ema ho defisiéncia  iha programa atividade  ne’ebé mak governu halo sociadade sivil halo iha Timor-Leste,hodi  responde ba inklusaun ba ema ho defisiéncia nian”, Dehan Diretora CBRNTL, iha Salaun Kafe Tower Fatuhada, 02/10.

Diretora esplika tan, objetivu ohin loron atu bele lori parseiru hotu  hanesan governu, sosidade sivil no parseiru dezenvolvementu  sira, atu mai aprende hamutuk fahe ba malu saida mak durante ne’e  sira halo ona ba asuntu inklusaun ema ho defisiénsia iha Timor-Leste nia susesu no dezafiu sira, iha eventu ne’e mak atu bele fahe ideia ba malu.

Iha fatin hanesan reprezentante IOMJD Joáo Fernandes Soares, afirma apresia ba CBRNTL no NJO sira nia servisu hamutuk ba advokasia nian, no liu husi diskusaun ne’e husi NJO sira bele hato’o sira nia perspetiva relasiona ho servisu durante ne’e hala’o iha baze no oinsa prepara ba futuru.

 “Ami apresia ba parseiru sira ne’ebé servisu no kolabora hamutuk ho IOMJD ba iha advokasia no boa governasaun liu-liu ami mos louva no apresia ba AHMDTL, ADTL ba Diretora sira no ekipa ne’ebé bele organiza eventu ida ne’e. Ami apresia tanba hanesan kostume ne’ebé di’ak tebes, liuhusi atividade ne’e parseiru sira seluk atu bele aprende no fó hanoin ba malu, ba  iha topiku lubuk ida atu halo diskusaun oinsá aprofunda asuntu sira ne’e ba relasaun advokasia no mos asuntu sira ne’ebé afeita konstituente husi kada NJO sira.

Entretantu, Ohin loron partilla informasaun ba malu tanba ne’e  kualker ita aprende ba malu fahe esperensia  ba malu ho di’ak, ohin loron aprende kona-ba oinsá hasa’e partisipasaun nomos involvimentu Ema ho Difisiensia iha programa desenvolvimentu tantu Governu no Sosiedade Sivil, tuir NJO sira ne’ebé servisu hamutuk iha advokasia lubun no boa governasaun, wainhira hala’o atividade sempre observa katak involve partisipasaun involvimentu Ema ho Difisiensia no grupu sira seluk hanesan LGBTIQ+ liuliu grupu feto sira nia partisipasaun iha programa hirak ne’e, maibe dalaruma sira nia partisipasaun ne’e menus tebes.

Jornalista     : Anselmo 

Editor           : Média RKDTL