VISE-MOH ABERTURA ATIVIDADE DISKUSAUN ATUALIZASAUN MANUAL FARMAKOVIJILANSIA NASIONAL BA TL

Dili-19/08/2024-Média Defisiensia, Vise Ministru ba Operasionalizasaun Ospital, hala’o abertura ba atividade diskusaun konsultasaun atualizasaun manual farmakovijilansia nasional ba Timor-Leste hodi haree ba medikamentus .

Tuir Vise MOH Flavio Brandão Mendes de Araújo, hatete agradese ba diresaun farmasia tanba bele kria atividade sira diskusaun sira kona-ba monitorizasaun, vizilasia no haree ba kualidade medikamentus iha Timor-Leste, hodi garate kualidade servisu saude iha future.

“Agradese ba Diresaun Farmasia inisiativa mai husi diresaun atu servisu hamutuk ho parseiru, hodi fó vizilansia ba ita nia rai-laran no kompleta oinsa halo monitorizasaun, vizilasia no haree ba kualidade medikamentus iha TL. Worshop ida ne’e importante tebes, hodi haree ba aimoruk nia kualidade hodi redus aimoruk sira la kualidade, nune’e bele garante nia kualidade, no iha padraun ida ne’ebé forte ho situasaun aktual no pratika rejional, inklui internasional nian hodi garante kualidade aimoruk iha ita nia rai”, Dehan VMOH Flavio iha Suai Room TP, 19/09.

Vise Flavio hatutan, atividade ne’e hetan apoiu husi parte rua servisu hamutuk ho ministeriu saude, realiza enkontru konsultasaun kona-ba situasaun sira hodi resposta ba situasaun nune’e bele garante kualidade medikamentu iha ita nia nasaun.

“Atividade ne’e hetan apoiu husi UNDP, WHO, ADB no Ministeriu Saude, ita espera katak detline sira ne’e bele fo resposta ba ita nia situasaun bele funsiona iha ita nia rain ho diak no garante katak ita iha regumantu, hodi regula medikamentus ne’ebé mak iha. Ita nafatin servisu hamutuk ho Australia hodi teste ba aimoruk sira. Maibé haree padraun sira ne’ebé bele halo ita la’o ba oin independente, maibé presiza haree uluk ba buat ne’ebé simples no baziku ne’ebé di’ak, ba oin tenke haree laboratorium sira, no auto laboratoriu medikamentu tenke eziste iha ita nia rain dadaun ita realiza ona balun”, Tenik VMOH.

Entretantu, husu ba parte hotu nafatin tau fiar iha pesoal saude sira no konsiente lai pesoal saude iha fatin ne’ebé menus. Maibé papel Ministeriu nian, atu hadia hodi hasa’e rekursu sira fazeadamente sei too iha planu sira, no sei aloka pesoal saude sira ba too iha sentru saude ne’ebé eziste iha postu sira, maibe dadaun ne’e sedauk sei iha fazeadamente sei too iha ne’eba.

Jornalista : Geraldino Magno

Editor : Média RKDTL