PR KONDEKORA EMBAIXADÓR RK BA MISAUN DIPLOMÁTIKA IHA TL

 

Dili-17/09/2024-Média Defisiensia, Prezidente Republika Kondekora Grau Medalla Orden ba Embaixadór Repúblika Korea ba Misaun Diplomátika ne'ebé Prominente iha Timor-Leste

Prezidente no Laureadu Nobel ba Pás, José Ramos-Horta kondekora Embaixadór Repúblika Korea iha Timor-Leste SHIN Mantaek  hala’o kna’ar iha TL hahu 2023, durante mandatu hatudu ona dedikasaun esepsionál hodi hametin relasaun bilaterál entre nasaun rua. 

“Embaixadór SHIN hala’o kna’ar nu’udar Embaixadór Korea nian ba Timor-Leste dezde Janeiru 2023. Durante nia mandatu, nia hatudu ona dedikasaun esepsionál hodi hametin relasaun bilaterál entre nasaun rua, no hatudu ona kompromisu ne’ebé metin ba Timor-Leste nia dezenvolvimentu no moris-di’ak. Nune’e hametin lasu amizade entre TL no Korea. Fornese apoiu ne'ebé folin-laek iha área sira hanesan edukasaun, saúde, kapasitasaun, no empregu”, Dehan PR iha Palasiu Prezidente liuhusi Komunikadu Imprensa 17/09.

Prezidente Republika afirma ondra ne’e entrega Korea fó ona apoiu signifikativu liuhusi misaun manutensaun pás ONU nian, interkámbiu diplomátiku, akordu komersiál, no kooperasaun iha setór oioin, inklui programa sira husi KOICA nian no Sistema Lisensa Empregu nian.

"Onra ida ne'e fó nu'udar rekoñesimentu ba Embaixadór SHIN nia servisu sira ne'ebé di’ak tebes hodi promove amizade entre ita-nia povu no kontribui ba pás, estabilidade nasionál, no dezenvolvimentu iha Timor-Leste", Tenik PR

Entretantu, iha kondekora ne’e PR hato’o agradesimentu ba apoiu ne'ebé Repúblika Korea fó ba Timor-Leste, liuhusi rekoñesimentu ida-ne’e hatudu  parseria ne’ebé iha valór entre Timor-Leste no Repúblika Korea.

Jornalista : Anjelmo

Editor: Média RKDTL