Dili-17/09/2024-Midia Defisiensia, Autoridade Protesaun Sivil no CNOPC iha loron 02-09 fulan Setembro tinan 2024 durante semana ida, registu familia uma-ka’in hamutuk 16 hetan estragus husi dezastre naturais ne'ebé akontese iha iha munisipiu neen no ema ida mate.
Tuir Porta Voz Cipriano Mesquita hateten, durante akontesementu
dezastre naturais iha munisipiu neen, APC registu uma latama kriteria apoiu
deit emerjensia uma rua no numeru uma ne’ebé afetadu hamutuk 65 inklui halo
kedas apoiu emerjensia ba vitima sira.
"Durante semana ida nia laran iha munisipiu neen
Autoridade Protesaun Sivil, Sekretariu Estadu Protesaun Sivil no CNOPC rejistu
xefi familia uma-ka’in hamutuk 16 hetan estragus husi dezastre naturais ne'ebe
akontese no ema ida mate", Dehan Porta Voz Cipriano iha Salaun Konferensia
APC Kaikoli, 16/09.
Portavoz ne'e hatutan, iha munisipiu 6 mak APC registu
uma estragus 14, anin sobu 11ahi han 5 hetan estragus no ema ida mate husi dezastre
naturais ne’ebé akontese durante semana ida.
"Munisipiu neen ne'ebe hetan estragus mak Ainaro
ema mate nain ida, Baucau anin sobu uma haat no ahi han uma ida, Bobonaro anin
sobu uma-ka’in ida, Ermera anin sobu uma lima no ahi han uma rua, Lautem ahi
han uma rua, Liquiça anin sobu uma ida", Nia Tenik.
Entretantu, vitima ba dezastre naturais sira oras ne’e
hetan ona apoiu emerjensia husi komandu APC ho parseriu relevante sira iha munisipiu ida-dak apoiu aihan no laos
aihan, no komandu operasional autoridade protesaun sivil iha munisipiu sira sei kontinua halo
levantamentu dadus ba uma kain ne’ebé hetan estragus makas no uma kain ne’ebé
hetan estragus naton hodi hetan apoiu iha faze tuir mai.
Jornalista :
Geraldino Magno
Editor :
Media RKDTL
0 Comments