UDMTL FÓ SOLIDARIEDADE BA VÍTIMA HETAN ASEDIU SEKSUÁL

Dili-19/08/2024-Média Defisiénsia, Uniaun Defisiénsia  Matan Timor-Leste, realiza komunikandu hodi fó solidariedade ba vitima ne’ebé hetan asediu seksual iha Universidade Da Paz (UNPAZ), Iha Loron 24 Fula Jullu Tinan ne’e.

Tuir porta voz Paulina Soare Siqueria afirma, relasiona ho kazu asedu sexual ne’ebé akontese iha loron 24 fulan Jullu tinan 2024,  entre orentadór hasoru nia estudante Fana Quequiso ,estudante refere hetan kaer husi nia isin lulik husi Dosente DT  nia servisu fatin.

“Aktu ida ne’e ami konsidera abuzu poder husi DT, no ami mos konsidera nu’udar aktu asedu sexual ka infrasaun ho natureza sexual, tanbá ne’e ami husi  Uniaun Defisiensia  Matan Timor-Leste hatoo solideridade ba ami nia maluk jovén feto no kondena aktu imoral ne’ebé komete husi Dosénte  inisial DT, ami UDMTL konsidera aktu ne’ebé komete nu’udar Viólasaun konstituisaun RDTL, no la respeita dignidade ema moris ida-idak nian, no hamonu kriablidade akademi iha Timor-Leste liu-liu Universidade da Páz”, Dehan Porta voz iha Salaun UDMTL Becora 13/08.

Entretantu liuhusi komunikadu impresa, ema ho defisiensia ezizi ba fontes husu estrutura Universidade da Paz no fundasaun  atu demite Dosente refere  husi nia kargu  no akompanña vitima, hodi halao prosesu tuir dalan legal hodi hetan justisa ho loloos, atu labele fó presaun ba estudante no Dosente sira ne’ebé apoiu vitima relasiona ho prosesu buka  justisa, no husu estrutura universidade hotu iha Timor-Leste, hodi harii sistema ida kona-ba prevensaun asedu no abuzu sexual iha kampus no kria mekanismu keisa kampus sira relasiona ho infrasaun ho natureza sexual, atu bele prevene asaun sira labele akontese iha jerasaun futuru nian. Husu públiku atu matan moris ho neon predetor sexual ne’ebé komesa buras ba bei-beik  halo asaun sexual sira hahu husi ambiente públiku ba too iha ambiente kampus karik hetan asaun ruma ho natureza sexual labele normaliza, no halo favor keisa ba instituisaun relavante sira, ikus liu husu instituisaun públiku no privadu sira iha Timor-Leste atu labele simu ema hirak ne’ebé iha defisiensia imoral hanesan DT ho nia aliadu sira, atu asaun sira labele akontese iha fatin seluk abaixu predektor sexual no abaixu defisiénsia moral

Jornalita       : Angelmo & Geraldino

Editor            : Média RKDTL