Dili-08/08/2024-Média Defisiensia,
Forum Universitáriu Anti-Seksismu (FUAS), realiza komunikadu imprensa, hodi fó solidariedade ba vítima ne'ebé hetan
asediu seksuál iha Universidade da Paz.
Porta
Voz Ermelinda de Jesus Gomes hatete, tuir kronolojia ne’ebé FUAS asesu notísia
husi Média Independente iha fulan Jullu loron Tersa, mosu asediu sexual ne'ebé
deskonfia pratika husi sujeitu ho inisiál DT ba nia orientadu estudante feto ida.
“Bazeia
ba informasaun ne'ebé públika iha Média Independente iha Tersa-Feira 30 fulan Jullu
tinan ne’e, mosu asediu sexual ne'ebé deskonfia pratika husi sujeitu ho inisiál
DT hanesan dosente orientadór hasoru vitima hanesan nia estudante orientadu.
Estudante feto ida husi Universidade da Paz, dadaun ne'e orienta hela nia teze.
Tanba ne'e, iha loron 24 fulan Jullu tinan-2024, tuku 13:45 Otl, liuhusi
"via WhatsApp" suspeita ho inisiais DT nu'udar nia dosente orientadór
haruka Fana (naran lalos) ba hasoru iha orientadór nia servisu fatin atu
orienta. Bainhira to'o iha dosente orientadór nia fatin hodi orienta. hafoin
orienta, Fana atu fila dosente orientadu halo asediu sexual hasoru nia. Orientadór
ne'e, dada Fana-nia liman hodi ka'er no buti nia órgaun sensitivu hirus matan
nian, halo Fana hakfodak no trauma hodi hikis-an, maibé orientadór nafatin ka'er
metin Fana-nia liman, hodi dada Fana no dehan nia hakarak ka'er tan Fana-nia
isin”, Dehan Porta Voz FUAS iha Kampus Sentral UNTL, 08/08.
Porta
Voz FUAS hatutan, sira konsidera asediu sexual ne’ebé DT halo ne’e, aktu imoral
presiza kiminaliza, tanba aktu sira ne’e sempre akontese bebeik iha
instituisaun akademika la’os UNPAZ de’it.
“Relasiona
ho aktus hirak mensiona ona iha kronolojia, sita iha leten ami husi Fórum
univesritariu Anti-Seksismu konsidera asediu sexual neʼebé inisiál DT pratika,
nu'udar aktu imorál no aktu kriminál ne'ebé presiza kontra no kriminaliza. Ami nia
hare'e kazu asediu sexualidade la'os foin akontese, maibé sempre akontese
bei-beik iha instituisaun sira liu-liu iha instituisaun akadémiku no la'ós de’it
akontese iha instituisaun akadémiku UNPAZ, maibé iha instituisaun seluk mós
akontese”, Tenik Porta Voz.
Afirma
Porta Voz, faktus ne'ebé mensiona iha leten sai referensia no espasu ba
manorin-na'in sira husi instituisaun akadémiku sira seluk, posibilidade bele
aplika tuir no bele mós antes ne'e pratika uluk ona. FUAS nia pozisaun kontra
totál hahalok seksismu ne'ebé pratika husi manorin-sira iha nivel universitáriu
no iha ambiente ne'ebé de'it.
Relasiona
ho akontesimentu, FUAS hakarak fó sira-nia
solidariedade ba vítima hodi ejiji, no husu ba estrutura UNPAZ atu hasai dosente
ho hahalok seksismu ho obrigatoriamente, no troka vítima nia profesór orientadu,
nune’e labele akontese tan aktu seksismu iha instituisaun refere, husu Ministeriu
Ensinu Superior atu toma atensaun ba aktu imorál no aktu kriminál ne'ebé instituisaun
akadémiku sira produs, no tribunál liu-liu juiz atu foti desizaun ho justu no
neutru.
Jornalista : Geraldino Magno
Editor : Média RKDTL
0 Comments