Dili-08/07/2024-Media
Defisiensia, Autoridade Protesaun Sivil (APC), rejistu
tipu dezastre iha semana ne’e hamutuk 59 ne'ebé akontese iha munisipiu Hitu ho
tipu dezastre diferente.
Tuir Diretór Gabinete Relasaun Externa no
Komunikasaun APC Cesario da Silva Marques hatete, dezastre ne'ebé akontese iha
semana ne'e, iha Munisipiu Hitu hanesan Asidente Maritima,Anin sobu uma, Rai
halai, Ahi han uma no Bee sa’e.
“Hahu loron 1 Fulan Jullu 2024, durante semana ida-nia
laran iha teritoriu Timor-Leste akontese dezastre naturais APC rejista tipu
dezastre hamutuk 59, ami reista katak asidente maritima mate ida no evakua ema
20, insendu anin boot no rai hala’i, uma-ka’in ne’ebé estragus total hamutuk 21
numeru ne’ebé hetan afetadu hamutuk 185, mai husi munisipiu sira hanesan Atauru
Asidente Maritima Ema Nain 16 no ema ida Lakon Vida, Bobonaru Anin Sobu Uma 3,
Baucau Anin Sobu Uma 4, Covalima Anin Sobu Uma 1 Akontese Husi Rai Halai, Ermera Rai Halai Afeta ba Uma 9,
Dili Insendu Urbanu 1, Lautem Anin Sobu Uma 1 no Bee Sa’e Estragu Uma
11,Manatutu Anin Sobu Uma 4 Kauza Husi
Udan Boot Rai Halai, Manufahi Rai Halai Sobu Uma 2 no Raeoa Anin Sobu Uma 4”,
Dehan Diretor GREK iha APC Kaikoli,
08/07.
Diretór GREK hatutan, ema-na’in 16 ne’ebé hetan
asidente maritima, ida mate no na’in sanulu resin lima agora dadaun entrega ba
imigrasaun, hodi haruka sira fila ba nia hela fatin.
“Ema-na’in 16 ne’ebé asidente maritima ne’ebé
akontese tuir kronolojia katak sira viajen ho ro husi Indonesia atu ba Papua,
akontese anin boot no laloran boot iha tasi klaran lori sira besik mai Atauro
hafoin ro ne’e moot iha ne’eba, iha akontesimentu ne’e na’in-ida mate no sira-na’in
15 hetan salva, no agora dadadun entrega ba imigrasaun hodi prosesa no haruka fila
ba Indonesia”,Tenik GREK Cesario.
Entretantu liuhusi Komandu APC autoridade iha munisipiu
ida-idak no parseiru relevante sira fó ona asistensia emerjensia ba iha familia
afetadu sira tuir lei ne’ebé iha, hodi hein prosesu indentifikasaun ba estragus sira hanesan
kategoria kaman no todan, agora dadaun sei regista hela hodi prosesa no apoiu
tuir kategoria sira ne’ebé iha.
Jornalista
: Geraldino Magno
Editor : Média RKDTL
0 Comments