KONDISAUN DEFISIENSIA HALO NEGOSIU BELE SUSTENTA FAMILIA

 

Dili-06/06/2024-Média Defisiensia, Martino Freitas hanesan Defisiensia Fiziku ida ne’ebé tur de’it iha kadeira roda iha vida moris loron  -loron.

 Martinho Freitas la kolen ho kondisaun hodi hala’o  atividade  negosiu ki’ik hodi bele sustenta nesesidade familia, inisiu hahú halo negosiu ho idade naton, tamba  iha momentu ne’ebá la iha forsa atu bele la’o tanba ne’e nia iha hanoin atu bele halo negosiu dahuluk ho hakiak manu, no liu husi manu ne’ebé mak barak nia haruka nia inan mak lori ba faan iha merkadu husi ne’e komesa osan ho volume aumenta.

Senti todan ho kondisaun  hodi hala’o atividade ida ne’e tamba nia aman husi hela sira mesak ho nian inan. Inisiativa husi Martinho ba atividade refere hodi sustenta familia nia nesesidade.

Enkunatu ho idade ne’ebé aumenta hanoin mos komesa mudansa ikus mai foti desizaun halo negosiu iha cidade Dili, no negosiu ne’ebé mak nia halo faan pulsa no sigaru iha plaza.

Martino maske rai manas no udan bele bot maibé la lakon vontade hodi bele esforsu an nafatin atu halo negosiu iha dalan ninin hodi bele sustenta nesesidade familia no bele ajuda mos alin no oan bele asesu ba edukasaun hanesan maluk sira seluk.

Planu ne’ebé ba oras ne’e nia iha maka nafatin esforsu hodi halo negosiu ki’ik ne’e atu bele selu oan sira nia eskola to’o remata hanesan mós maluk sira seluk, tanba iha nia hanoin ne’ebé mak furak katak, “ema seluk bele tanba sa ha’u la bele? Husi liafuan  ida ne’e motiva tebes Martino hodi bele kontinua halo negosiu refere atu hadia moris.

Senor Martino mos iha ona nia parseriu ne’ebé sempre suporta no apoiu tebes nia, liu husi apoiu parseira nian bele halo nia forsa atu la rende ba moris ne’e. nia mos iha oan nain 3 ne’ebé ba oras ne’e asesu ona ba iha edukasaun.

Enkuantu liu husi negosiu ki’ik ne’ebé nia halo ba oras ne’e nia konstrui ona nia uma rasik no sossa mos motor ida hodi bele tula netik nia fen no oan atu bele halo viazen ba munisipiu.

nia mensazen mak, la bele moe ho saida mak o halo bele fo benefisiu ba moris, maibé halo ba buat ne’ebé bele fo benefisiu ba ita nia moris, tanba ne’e ba maluk defisiensia sira seluk atu la bele moe ho kondisaun ne’ebé mak iha noa la bele husu atu ema fo kasian no ajuda ba ita tanba deit ho kondisaun, koko bok an halo negosiu ou atividade ruma ne’ebé bele fo moris.

Lia ne’e hato’o hafoin marka prezensa talkshow iha estudiu RKDTL nian ho tema “ buka moris iha dalan ninin ho kondisaun defisiensia hodi hatan ba nesesidade uma laran, 06/06.

Edito               : Média RKDTL