HO IDADE 14 HETAN MORAS LIMAN AIN TOS SAI DEFISIENSIA

 

Ermera-28/05/2024-Média Defisiensia, Pio do Santos ho idade 21 ba oras ne’e hetan Defisiensia fiziku tanba uluk nia sei ho idade 14 nia hetan moras ida halo liman ain tos to’o sai Defisiensia grave liu ba oras ne’e.

Pio nia kondisaun ba oras ne’e tur de’it iha kadeira roda ne’ebé apoiu husi Fundasaun Klibur Domin, hodi tulun pio bele halo movimentu iha areadores uma nian.

Tuir nia haktuir nia istória ne’ebé iha katak, antes ne’e pio moris mai ho kondisaun ne’ebé la ho Defisiensia, tanba ne’e nia konsege hahú nia estudu iha presekundariu ho 4⁰  klase, maibé hafoin nia hetan tiha moras refere iha tinan 2017 nia lao derepenti ain to’os tiha, ikus mai nia inan lori nia ba iha katuas ida iha Bebonuk Dili hodi halo terapia (kaer) maibé la iha mudansa, nia moras aumenta grave liu tan hodi ba to’o ohin loron.

“Ha’u moris mai ha’u di’ak hela, no ha’u sei eskola to’o iha klas empat mak ha’u hetan moras ne’e tanba ha’u derepenti ha’u la’o mak ain to’os tiha, entaun ha’u nia ama lori ba dili katuas ida hela iha bebonuk mak kaer, depois la di’ak ida maibé aumenta moras makas tan hodi mai to’o agora mos ha’u hanesan ne’e de’it.

Ha’u nia liman ain sira foti la sa’e hotu, haris hatais han hemu ha’u nia mau sira no bin sira nomos ama apa mak bele ajuda hotu, atu soe bee kiik bot sira hotu de’it ha’u kalan loron ho kadeira roda iha uma de’it.  Ha’u nia moras ida ne’e hahú iha 2017 ha’u sei ho idade 14. Ha’u nia familia sira sempre hadomin no halo tuir saida mak ha’u nia hakak,” dehan pio do santos ba Média RKDTL iha Suku Lauala Postu Administrativu Ermera Vila Munisipiu Ermera 28/05.

Enkuantu lia hirak ne’e hato’o hafoin Fundasaun Klibur Domin ho estudante estaziadu departamentu FhysioTerapia husi Australia hala’o Vizita ba iha pasiente refere nia rezidensia.

 

Jornalista                   : Alexandre Salsinha

Editor                         : Média RKDTL