KI ABC-ID LANSA LIVRU FOUN HO TEMA MATADALAN JORNALISMU INKLUZIVU

 

Dili-17/04/2024- Média Defisiensia, Konsellu de Imprensa (KI) ho parseriu ABC International Development (ABC-ID)  hala’o lansamentu ba livru foun ne’ebé ho tema “ matadalan Jornalismu Inkluzivu hodi kapasita jornalista sira bele halo reportajen no prodús notísia ida ne’ebé ho  inkluzivu iha Timor-Leste.

Iha intervista Presidente KI Otelio Ote hatete, KI kopera ho ABC-ID hala’o peskkiza tempu naruk bele lansa livru ne’e hodi kapasita jornalista sira  relasiona ho asuntu inkluzivu.

“Ohin Konselho da Impreja servisu hamutuk ho parserio sira  lansa livro ida ita bolu matadalan jornalismu inkluzivu, livro ida ne’e ikus mai ita lansa tamba kopersaun ho KI-ABC-ID no mos ita uza tempu naruk hodi halo peskiza ida ba kontiudu ne’ebé relasiona ho asuntu inkluzivu  hanesan ita hatene konsellu da impreja nudar orgaun regulador ida maibé nia iha kompotensia mos atu eleva kapasidade jornalizmu,” dehan otelio ote ba jornalista sira iha Sui Room Timor Plaza 15/04.

Livru refere util tebes ba jornalista sira atu prodús notísia ida ne’ebé tenki involve ema hotu-hotu grupu sosial labarik, ema feto no mos defisiensia iha publikasaun notísia sira hodi kontribui sosiedade ida ne’ebé inkluzivu.

“ Livru ida ne’e util teb-tebs ba ita nia jornalista sira iha teriatoriu laran tomak tamba, ita hatene katak tinan barak  nia laran jornalista barak halo tiha ona pratika jornalistika halo tiha ona profisaun produtu jornalistíku maibé barak mak seidauk komprende kona ba oinsa ita halo reportajem ka produs notísia sira ho inkluzivu, tamba ne’e livro ida ne’e  sei avalia ita oinsa ita produs notisia sira lorlorn involve ema hotu-hotu no mos involve husi grupo sosial hotu-hotu ba labarik ema feto no mos ba defisiensia  tenki involve an iha grupo sosial sira, wanhira ita involve iha publikasaun sira   ne’e ita kontribui makas ba sosiadade sira  sosiadade ida ne’ebé inkluzivu,” nia hatutan.

Enkuantu presidente ne’e informa hein katak liu husi livru ne’e sai hanesan matadalan ba jornalista no Jestor Média sira hodi bele hadi’ak prosesu kobertura, rdit notísia, hodi halo puklikasaun iha sira nia Média bele inklui ema hotu hodi la halo tan diskriminasaun. Bainhira Média sira komete erru ruma iha sira nia publikasaun maka KI sei fo karta notifikasaun, importante mos oinsa media sir abele komprende kona ba inkluzivu.

Jornalista       : Alexandre & Louvino (estajiadu)

Editor             : Média RKDTL