Dili-15/04/2024-Media Defisiensia, Governu
Liu Husi Sekretariu Estadu Formasaun Professional No Emprego (SEFOPE) realiza despedida ho
traballador no inan aman sira hodi haruka tan traballadór timor oan 52 ba
servisu iha Australia tuir área ne’ebé traballadór sira eskolla.
Diretór
Jeral SEFOPE Carlito do Rosario Cabral hatete, atividade despedida ho
traballadór timor oan sira atu ba servisu iha Australia sira na’in 52 ne’ebé
hetan kontratu husi kompaña rasik, tenke kumpri regulamentu ne’ebé aplika husi
kompña no labele halai sai husi sistema.
“Ohin
sefope halo despedida hoi ta nia trabalhador sira ne’ebé atu ba servisu iha
Australia ho total trabalhadores 52 pesoas
ne’ebé hetan kontratu atu ba servisu Australia iha tempu naruk. Ita boot sira ba servisu iha
ema nia rai representa nasaun Timor-Leste iha Australia tenki kuidadu an
disiplina atu nune’e ita boot sira faila ruma
la bele estraga nasaun nia naran”, Dehan Diretor jeral SEFOPE Carlito
iha salaun SEFOPE Kaikoli 11/04.
Diretór
Jeral salienta entre traballadór 52 na’in 21 traballadór foun ne’ebé sei ba
servisu tinan naruk iha Australia, hafoin remata sira nia kontratu mak bele
fila mai Timor-Leste.
“Traballadór
foun 21 sei servisu long time ita boot sira aplika ba iha tempu naruk ninian signifika tinan 3
to’o tinan 4. Programa ida ne’e ita boot sira aplika ba long time. Ita hotu fó
apoiu ba sira tanba sira representa
nasaun, sira mós kontribui bai ita nia kresimentu ekonomia uma laran nafatin
tuir regra no komprimisiu ne’ebé ita boot sira le”, Subliña DJ.
Iha
fatin hanesan representante traballadór timor oan Jacob Pereira Martins, dehan nia sente kontete ho oportunidade, hodi ba
servisu iha Australia nia sei hatudu nia prestasaun servisu ne’ebé diak iha
kompaña ne’ebé nia servisu ba durante nia kontratu.
“Hau sento orgullu tebes tanba foin primeira ves
hau hetan oportunidade ba servisu iha rai liur
tanba ne’e maka oportunidade ida ne’e koko atu aprobeita diak, wainhira
ita hetan oportunidade ba servisu iha rai liur tenki hatudu ita nia prestasaun
servisu tuir ita nia kapasidade no
fiziku forsa ne’ebé iha oinsa, ita bele hatudu ita nia forsa ba iha ita nia
empregadór sira ne’ebé mak fó konfiansa
mai ita”, Tenik traballadór Jacob.
Entretantu
traballadór ne’e espresa nia tuir prosesu durante ne’e too mai iha faze ikus
asina deklarasaun, liuhusi prosesu naruk
tebes nia mehi ba futuru hakarak lori susesu ba kompaña, lori esperensia fila
mai timor hodi loke fila fali kampu traballu ba kolega joven sira seluk ne’ebé
mak agora sei dezempregu iha ita nia nasaun.
Jornalista : Pascoal de Jesus
Editor : Média RKDTL
0 Comments