Dili
19/04/2024/ Média Defisiensia, rezultadau final teste
eskrita eletroniku bolsa kandidatu ba manorin nain sira hamutuk 568 mak pasa ho
valor 60 ba leten.
Tuir prezidente Juri bolsa kandidatu Anita Tavares de
Jesus Imforma, husi rezultadu teste eskrita ba bolsa kandidatu professores sira
iha 16 fulan abril ne’e total 13021 liu iha seleksaun dokumentus no 11273 mak
tuir teste eskrita.
“iha loron 16 fulan Abril komisaun funsaun publiku (KFP)
finaliza ona teste eskrita eletroniku bolsa kandidatu ho total ema nain 13021 ne'ebé
pasa iha seleksaun dokumentu, iha
kandidatu hamutuk nain 11273 mak partisipa iha teste eskrita, entaun signifika
1748 kandidatu admitidu iha seelesaun dokumentus, mak la marka prezensa iha teste
ne'e,” Dehan prezidente juri bolsa kandidatu Anita Tavares de Jesus ba
jornalista liu husi komunikadu imprensa iha sala KFP, sesta 19/04/2024.
Nia hatutan, Kandidatu
sira ne’ebé pasa ho valór 60 ba leten hamutuk 568 kompostu husi feto 332 no mane 236.
"Partisipantes teste ne’ebé mak pasa ho valor 60
ba leten hamutuk ema nain 568, kompostu husi feto 332, no mane hamutuk 236, ne’ebé
fahe ba gupu rekrutamentu hanesan ba pre-eskolar hamutuk 34 kandidatu teste ne’ebé
mak pasa ho valor 60 ba leten, ba ensinu bazíku primeiru sikulu no segundu
sikulu hamutuk nain 170". Nia hatutan, ihą area konesimentu ensinu bazíku
terseiru sikulu hanesan lingua tetun ihą 62 mak pasa ho valor 60 ba leten, hanesan
lingua portuges nain 106, lingua ingles nain 48, matetmatika iha 45, siénsia naturais
30, Sisensıa sosiais 38 no ikus liu dezenvolvimentu pesosal iha nain 35.
Aleinde relasiona ho kandidatu ne'ebé pasa iha deit
nain 568 ne'ebé la to’o tarjetu ministeriu edukasaun nian, entaun iha tempu
badak sira sei loke konkursu públiku fali ba kandidatu foun sira, maibe laos
foti fila fali kandidatu ne'ebé mak la pasa iha teste eskrita nee.
Enkuantu rezultadu final teste eskrita eletroniku bolsa
kandidatu ba manorin nain ne’ebé mak pasa ho valor bo'ot liu mak 79, no
kandidatu ne'ebé mak valor bo'ot liu ne'e
mai husi eskola Marista Baucau.
Jornalista : Pascoal Nascimento de Jesus
Editor : Média RKDTL
0 Comments