Dili-17/04/2024-Media Defisiensia,
Asosiasaun Parteira Iha Timor Leste realiza atividade worshop nasional kona-ba padraun
profisional parteira iha Timor-Leste hodi diskute lalaok politiku ministeriu
saude nian hodi desloka parteira sira ba iha ospital sira iha baze.
Diretor
Jeral Servisu Kooperativu husi Ministeriu Saude Marcelo Amaral hatete, worshop
ida ohin koalia kona-ba padraun potensial no profisaun iha ministeriu tanba iha
dekretu lei balun hatete ona ho nune’e ministeriu saude no asosiasaun atu haree
hamutuk hodi fó hatene ba públiku relasiona ho padraun ministeriu nian ba
futuru.
"Padraun
potensial profisaun hotu-hotu iha Ministeriu saude importante ida ne'ebé iha kualidade
prestasaun servisu ho padraun ne'e ema bele hatene servisu sira, ita oferese ba
komunidade sira pratika loos ga lae, tanba padraun importante ne’ebé dekreta
iha lei ruma dekreta iha diploma ruma ida ne’e asosiasaun husu ministeriu saude
atu bele elebora padraun ne'e. Ita bele aprova padraun sira hodi utiliza iha públiku
bele hatene katak padraun profisaun ba saude nian mak ida ne’e ita bele la’o tuir
padraun, tanba padraun sira ne'e importante tebes ministeriu saude no
asosiasaun sira presiza haree hamutuk asuntu ida ne'e”, Dehan Diretor Jeral
Marcelo iha salaun Hotel Timor, 12/04.
Diretor
Jeral ne’e salienta dadaun ne’e sai kestaun boot ba numeru no kolokasaun
parteira sira ba iha sentru sira iha baze tanba ne’e presiza hadia iha parte
distribuisaun nian ba iha klinika sira iha area rurais sira.
“Parteira
agora dadaun ne'e sei sai sujestaun bo'ot ida laos deit kestaun numeru deit
kestaun ne'e nia kolokasaun ne'e sai problema, ema barak hakarak atu hadia
kapital oitoan de’it mak ba area rurais tanba ne'e bareira bo'ot ba ita iha distribuisaun
sedauk diak entermu numeru sei ita bele jere di’ak bele lao ho di’ak. Maibé
distribuisaun sai kestaun ida, tanba Ministeriu saude presiza hadia tanba ema
20% mak hela fali iha sira nia moris fatin parteira barak liu mak hela iha kapital
ne’e sai kestaun bo'ot ba insentiva parteira sira bele too iha area rurais presiza
Ministeriu saude no Governu atu haree problema hirak ne’e”, Subliña DJ
Iha
fatin hanesan reprezentante Intreinu UNFPA iha Timor
Leste Bruce Campbell dehan, hakarak apoiu ba nasaun Timor-Leste liuhusi
ministeiru saude hodi halo dezenvolvementu sustentavel iha area saude nian
liuliu problema moras ne’ebé komunidade sira infreta.
"Hakarak konkrotula ba kolega Parteira sira ho parseiru sira
hotu mai ho objectivu ida deit hakarak kontribui ba rai ida ne'e. Ita hakarak
dezenvolve saude iha rai ida bazeia ba objetivu dezenvolvementu sustentavel, baze
ba parteira sira hodi ha’ao sira nia servisu hanesan koko fuan no fó partus ba
pasiente sira no parte seluk”, Dehan UNFPA iha Timor-Leste.
UNFPA iha Timor-Leste sente kontente ho inisiativu asosiasaun bele
estabele padraun hodi servisu hamutuk ho ministeiru saude no lideransa sira
hodi tau matan ba moras sira ne’ebé komunidade sira hasoru liuhusi parteira
sira bele fó tratamentu tuir padraun ne’ebé iha.
“Ami kontente ho asosiasaun estabelese padraun ida ne'e maibé ho
Ministeriu saude no lideransa sira, UNFPA prontu apoiu servisu hotu ne'ebé mak
relasiona ho saude inan maternidade sira hotu iha lideransa jeniu saude nian
hamutuk ho parseiru sira, hau kontente tanba hau fiar katak iha uma laran ida
ne'e parseiru sira asosiasaun parteira, mediku hau hakarak hato'o hau nia
prestasaun ba partisipate sira hotu iha fatin ne’e”, Tenik UNFPA.
Entretan iha atividade worshop ida ne’e partisipante husi presidente
AMTL, parte governu balun, Ministeiru Saude, ONG internasional no organizasaun
sira ne’ebé hola parte ba iha ministeiru saude no hetan apoiu husi UNFPA no MS
Jornalista: Anselmo
Martins
Editor : Media RKDTL
0 Comments