Dili-13/03/2024-Media Defisiensia, Presidente
Republika hala’o enkontru ho Ministro Adminitrasaun Estatal hodi rona situsaun
administrasaun iha Timor-Leste no preparasaun husi parte governu nian ba loron
20 fulan Maio 2024.
Tuir
Ministru Estatal Tomas Cabral hatete ba jornalista sira hafoin remata enkontru
ho PR, hodi rona situasaun administrasaun no atividade ba 20 Maio nian, tanba
Timor-Leste sei simu bainaka balun husi rai-liur sei partisipa iha komemorasaun
loron restaurasaun independensia ida ne’e.
“Enkontru
ho prezidente atu mai rona fila fali situasaun administrasaun nian iha
teritoriu tomak no mós komemorasaun 20 Maio tinan ne’e nian, tanba iha bainaka
balun sei mai husi rai-liur husu atu 20 Maio komemora iha Dili nomos halo kalan
ba kultura iha sidade hodi komemora loron 20 Maio”, Dehan Ministro Tomas Cabral
iha Palasiu Presidente, 12/03.
Ministru
ne’e hatutan iha ekontru ne’e koalia mós kona-ba lixu sira kontinua naklekar
iha sidade laran, presija sevisu hamutuk ho autoridade lokal sira hodi limpeiza
nune’e bele prepara ba komemorsaun loron 20 Maio nian.
“Kolia
mos sobre lixu sira iha sidade
laran barak tebetebes ita boot sira haree iha tasi tolu, iha tibar,
iha kaikoli ekipamentu sira lixu ne’e barak tebe-tebes sidade Dili para ita komemora 20 Maio karik ba oin hotu-hotu bele kontrola
lixu, hau informa ba presidente husu lideransa komunitaria liuliu xefe suku,
xefe aldeia sira bele kontrubui ba situasaun ne’e tanba tasi sira ne’e mesak
plastik de’it tanba ne’e mak provoka
inundasaun ohin presidente husu ba situasaun ida ne’e liu-liu maka komemorasaun 20 Maio tinan ne’e
sei hala’o iha Dili”, Tenik MAE.
Entretantu
iha enkontru ne’e sedauk hatene orsamentu no komisaun organizadora sira hodi
realiza atividade komemorasaun loron restaurasaun independensia nian ba tinan ne’e.
Jornalista : Anjelmo no Nencia (estajiadu)
Editor : Media RKDTL
0 Comments