HADIA TELFONE BELE SUSTENTA NESESIDADE HODI KONTINUA PROSESU ESTUDU

 

Dili-12/03/2024- Média Defisiensia, estudante ho naran Damião Ximenes Belo ne’ebé ba oras ne’e hala’o hela nia estudu iha Universidade Oriental Timor Lorosa’e (UNITAL) semester 3, loron-loron tur de’it iha Jardin Lecidere hodi hadia telfone ne’ebé at hodi hetan osan bele sustenta nesesidade uma laran moris iha Dili nian.

Tuir nia dahuluk nia aprende ona husi kolega balu hafoin loke rasik ninian, no orsamentu ne’ebé tama kada loron depende ba kliente ne’ebé maki ha.

“atividade hanesan servis ou hadia telfone ne’e ami hetan esperiensia husi kolega balu ami halo tuir depois ami ahtene uitoan ami aplika hodi to ohin loron ami loke rasik ami nian, no hadia telfone ne’e bazeia ba ema mai de’it tanba iha ne’e kan hadia ema barak konformi ema mai hadia ami hameno hanesan langanan de’it,”nia dehan ba Média Defisiensia iha Jardin largo lecidere.

Nia hatutan, liu husi osan ne’ebé hetan husi hadia telfone ne’e bele ajuda nia hodi sustenta ba han no bele kopi, print materia sira ne’ebé docente sira fo.

“osan ne’ebé ami hetan husi ami hadia telfone ne’e ami uza ba nesessidade, hanesan eskola karik inan aman mak aumenta bar egis, maibé osan ba print kopi no han hemu sira ne’e ami buka rasik husi hadia telfone ne’e,”tenik nia.

Nune’e mos nia husu ba maluk estudante sira seluk atu la bele tur hodi husu bai nan aman de’it, maibé esforsu buka rasik hodi augenta moris iha Dili hodi kontinua prosesu estudu bele atinje mehi ne’ebé  iha.

Nia informa mos ba publiku katak karik balu nia telfone at ketan haluhan lori ba sira nia fatin largo lecidere hodi hadia ho folin ne’ebé mak baratu tebes.

Enkuantu Damião Ximenes Belo bele hadi’a telfone hanesan troka layar, volume no butaun loke taka nian.

Jornalista                   : Anselmo & Alex

Editor                         : Média RKDTL