Dili- 25/03/2024-Media Defisiensia,
Xefe Governo, Kay Rala Xanana Gusmão aprezenta servisu governo nian ba Xefe
Estadu, kona-ba suspende atividade arte marsiais hodi regula situasaun iha
Timor-Leste.
Preimeiru
Ministru Xanana aprezenta katak, situasaun ohin loron hakmatek hafoin governo
kontinua suspende atividade arte marsiais
no rituais ba fulan neen tan. Suspensaun ne’e akontese tanba grupu sira
la kontrola aan hodi hamosu situasaun iha komunidade.
“Governo nomós konsellu Ministro atu hadia
situasaun sira ho hakmatek nune’e komunidade sira bele hala’o atividade ho
seguru. Husu ba funsionáriu no ajente estadu tomak, atu labele inklina an iha
arte marsiais nune’e bele independensia hodi serví povu iha Timor-Leste”, Dehan
PM Kay Rala Xanana iha Palasiu Presidente Aitarak laran, 21/03.
Xefe
Governo ne’e hatutan, halo suspende refere atu bele hato’o ba grupu sira hotu
bele kontrola sira nia membru iha fatin treinamentu nomós iha komunidade nia
leet.
Iha enkontru ne’e PM informa mós kona-ba
eleisaun foun Komisaun Anti Korrupsaun (KAK) ne’ebé besik ona tinan ida vakum
laiha nune’e prosesu votasaun iha Parlamentu Nasionál la hetan konsensu tanba
ne’e sei altera Lei KAK tuir iregularidade.
Situasaun
ne’e mosu tanba sei hadia sistema iha
instituisaun iha kada Ministériu ba finanseiru ne’ebé mak gastu hodi identifika
tuir servisu instituisaun nian hodi apresenta ba Parlamentu Nasional. Proposta
opozisaun hatama ba parlamentu iha lei KAK, tenki iha menus 40 labele deskuti
tenke tuir iregualidade tanba osan povu nia tenke selu ho di’ak.
Jornalista: Anselmo Martins
Editór: RKDTL
0 Comments