Dili-25/03/2024-Media
Defisiensia, Magnifiku Reitor
Universidade Nasiona Timor Lorosa’e enkontru ho presidente republika hodi
koalia kona-ba progresu no difikuldade universidade nian hodi halo
dezenvolvimentu infraestrutura iha universidade.
Tuir Reitor João Soares Martins hatete agradese ba
Presidente bele rona progresu no difikuldade universidade hasoru durante tinan
hira liu ba tanba ne’e husu Presidente atu marka presensa iha selebrasaun UNTL
ba dala 25 iha tinan 2025 oin mai.
“Agradese ba Prezidente Republika simu ami koalia
kona-ba universidade Timor Lorosa’e nia progresu no ami mós informa difikuldade
balu ne’ebé mak universidade atravesa, ami koalia kestaun lubuk ida importante mak
2025 tinan oin mai halo ba 25 anos. Ami sei halo selebrasaun hodi prepara ba 25
anos tanba ne’e mak ami informa ba presidente bele marka prezensa iha 2025 mai,
alende ne’e koalia kona-ba sidade universitariu prezidente dehan interesante
tebes husu governu atu bele tau atensaun ba dezenvolvimentu infraestrutura
Universidade Nasional Timor Lorosa’e nian”, Dehan Reitor João iha Palasio
Presidente, 25/03.
Magnifiku hatutan ezije ba governu atu tau atensaun ba
progresu no dezenvolvimentu ba kampus nia infraestrutura husi universidade tanba IX governu halo lansamentu deside muda sidade
universidade Aileu mai Dili.
“Ita hatene katak lansamentu IX governu deside ona atu
muda universidade balu husi Aileu mai hera entaun ami ezije
para Timor-Leste tau atensaun ba ninia progresu entermus dezenvolvimentu
kampus nia infraestrutura husi universidade nian. Hau hanoin importante mak ita
timor oan governu mak iha responsablidade aas atu bele tau prioridade investimentu
infraestrutura”, Tenik Magnifiku Reitor UNTL.
Jornalista
: Anjelmo
Editor
: Media RKDTL
0 Comments