Dili-13/02/2024-Media
Defisiensia, Provedoria dos
Direitus Humanus e Justisa lamenta tebes ho atuasaun ne’ebé halo ba profesores
kontratadu sira la tuir ona estadu demokátiku nian.
Tuir Provedor dos Direitus
Humanos e Justiça Virgílio da Silva Guterres “Lamukan” hatete, relasiona ho
demostrasaun ne’ebé professores kontratadu sira halo hodi polisia halo atuasaun
hodi kaer no sama, PDHJ lamenta tebes ho ida ne’e tanba polisia halo violasaun
ba direitus umanus direitu konstituisional ema nian.
‘‘Hau haruka kedas ekipa fiskalizasaun nian ba haree
infelismente seidauk bele hasoru ho maluk profesores sira ne’ebé iha intesaun
mak ohin husu ba sira ba fila fali mas iha ne’e publikamente hakarak hato’o
provedor nia lamentasaun ba publiku primeiru lamenta ho atuasaun polisia ninian
hasoru professores sira tanba la iha nesesidade ba polisia atu halo detesaun ba
profesor sira primeiru profesores sira ne’e ba iha ne’eba espresa sira nia
opiniaun sira nia direitu konstituisional hasoru intenidade publika ne’ebé kaer
sira nia destinu entaun la iha nesesidade polisia atu halo agresaun, polisia
iha obrigasaun atu garante katak manifestasaun ne’ebé profesores sira halo ne’e
la prejudika servisu nia interese seluk, polisia bele esforsu atu oinsa ema atu
dispersa atu ema bele fila ba uma la presija ba kaer hodi sama ba rai halo
tortura sira ne’e la iha nesesidade tanba ne’e violasaun ba direitus umanus
violasaun ba direitu konstituisional ema nian tanba ne’e mak lamenta tebtebes
atuasaun polisia ninian atu halo detenesaun ba professores sira’’, Providor ne’e
informa ba jornalista sira hafoin partisipa iha atividade HAK nian kona ba “Direitu Prizioneiru Sira Nian Hodi Asesu Ba Justisa
Formal” iha salaun CNE Caicoli.
Provedor ne’e salienta, problema ne’e profesór kontratadu ho estadu tanba profesor sira kontratadu tinan 10 resin ne’e sira sente lakon sira nia direitu sira hatoo ba Ministeiru edukasaun hodi resolve ho diak sei la mosu demostrasaun tanba ne’e parte seguransa tenke akompaña bebeik profesor sira too hetan solusaun se husik sira maka sira halo demostrasaun makas hafoin polisia ba kaer ne’e aproximasaun kurativa ne’ebé la serve iha estadu demokrátiku.
"Ita hotu akompaña problema ne’e estadu nian atu haree professor
sira, balu ninia estatutu ne’e ita sei haree kontratadu tinan 10 resin sira
sente lakon direitu atu ba hato’o, Ministeriu Edukasaun kona-ba sira nia
servisu ne’e ka lae, bainhira iha esplikasaun klaru ba profesor sira kona-ba
sira nia situasaun ha’u hanoin demostrasaun la mosu, polisia bele iha razaun
dehan sira iha tendensia atu hamosu disturbu maibé manifestasaun ne’e mosu
loron entaun polisia bele foti medida sira atu prevene la bele mosu taka
portaun ka ou buat ruma halo sira nia manifestasaun ne’e iha liur hodi la bele
besik ba sira no sira uza lei ida demostrasaun 100 metrus ne’e polisia la bele hein
ema tama tia ba laran halo asaun iha ne’ebá depois ita ba kaer ne’e
aproximasaun kurativa ida ne’ebé ke la serve iha estadu demokrátiku".
Enkuantu nia informa tan katak la iha nesesidade ba polisia atu kaer ema sira ne’ebé mak ba halo
manifestasaun tanba manifestasaun ne’e direitu konstituisional sidadaun ninian.
Jornalista : Geraldino Magno
Editor : Media RKDTL
0 Comments