Dili-26/02/2024-Media Defisiensia,
Investidór husi Australia ho Singapura hakarak servisu hamutuk ho empreza
Natar-Rohan Maliana hodi dezenvolve setor agrikultura ba futuru
Tuir
Empreza Natar-Rohan Maliana Quiera Zen hatete investidór rua hosi Australia no
Singapura hakarak servisu hamutuk hodi dezenvolve setor agrukultura tanba ne’e
ohin enkontru ho Presidente Republika hodi koalia kona-ba investidór rua atu
investe iha área refere ho ida ne’e PR sei estuda lai sira nia investidór kalae.
“Ami
mai hasoru malu ho Presidente Republika atu koalia kona-ba investidór rua hosi
Australia no singapura mai hakarak atu servisu hamutuk ho ami no ami sei duvida
hela tanba sira mai ho buat ne’ebé boot liu ami nia kapasidade, ne’e mak ami
mai husu ba presidente no presidente sei estuda lai sira nia investidór duni ka
lae ou keta halo ba sira ne’e broker, tanba presidente koñese didi’ak investidór
internasional sira”, dehan Quiera iha Palasiu Presidente 22/02.
Empresa
Natar-Rohan salienta husu ba Presidente atu koordena ho kompaña balun hodi halo
investimentu iha Natar-Rohan kona-ba agrikultura no turismu.
“Iha
hasoru malu ne’e husu mós ba Presidente Republika atu koordena husi parte
governu no kompaña boot balu atu parseria ho natar rohan atu halo investimentu
ba área agrikultura no agro-turismu karik investidór internasional ne’e konsege
servisu hamutuk ho natar ho rohan”, Tenik Zen.
Entretantu
investidór husi parte rua ne’e sei mai hasoru PR hodi koalia kona-ba hakarak
servisu hamutuk ho empreza refere hodi haree ba atividade agrikultura no
agro-turismu no dadaun ne’e Empreza Natar-Rohan akomula traballadór hamutuk 15
no iha joven voluntariu ne’ebé hakarak atu aprende kona-ba servisu agrikultura
no turizmu tanba ne’e planu ba oin empreza sei aumenta tan traballadór 50.
Jornalista : Anselmo & Nencia (Estajiariu)
Editor: Media RKDTL
0 Comments