ESTRUTURA IBTL HAMUTK HO FULELAMAR AGADESE BA ANAAA

 

Dili-26/02/2024-Media Defisiensia, Estrututa husi Institutu Dom Boaventura Timor-Leste hamutuk ho Fundasaun Leo Laku Manufahi Riak realiza komunikadu imprensa hodi hatoo agradese ba Ministeriu Ensinu Superior Siensia no Kultura ho Agénsia Nasional Avaliasaun  no Akreditasaun  Akadémika konsege realiza avaliasaun ba IBTL.

Tuir Reitora IBTL Quiteria da Costa hatete agradese ba parte hotu liuliu ba MESSK no ANAAA bele realiza avaliasaun instoituisional no programa akademiku iha IBTL konsege hetan valor C maibé sira kontente hodi simu rezultadu ne’ebé iha.

“Objetivu sira IBTL nian, durante tinan 8 liu, ami ho kbit ne'ebé natoon deit, iha dedikasaurn, komitmentu no sakrifisiu ne'ebé fundasaun no sivitas akadémiku tomak prepara hodi simu avaliasaun akadémiku hus ANAAA, hamutuk ho Fundasaun LELAMAR ho fuan no laran tomak, hakarak hato'o agradesimentu espesiál ba Ministériu Ensinu Superiór Siensia no Kultura ho ANAAA, nafatin konsidera IBTL hodi kontinua halo avaliasaun institusionál no programa akadémiku hotu IBTL ne'ebé fó sai nia rezultadu iha loron 9 Fevreiru 2024 ho valor C, ami ho laran luak no kontente simu rezultadu refere”, Dehan Reitora iha salaun CCLN Comoro 23/02.

Reitora ne’e salienta estrutura IBTL sei kontinua haka’as-an hodi meillora kualidade IBTL nian ba futuru tuir Misaun, Vizaun no objetivu ne’ebé mak iha nun’e bele hadia tan ba tinan lima mai bele hatan ba rekomendasaun husi ANAAA nian hodi hetan valor di’ak.

“Ami sei kontinua haka'as-an liu tan hodi mellora di'ak lu tan kualidade IBTL nian hodi hatán ba ami nia Vizaun, Misaun no Objetivų ne'e mak iha; Ami sei kumpri no halo tuir rekomendasaun sira ne'ebė mak fó  husi ANAAA ba IBTL. Nunee iha tinan 5 mai, ami espera katak grau akadémiku IBTL nian bele mellora liu tan husi valór agora, sa'e tan ba B ka A”, Sublina Reitora.

Iha fatin hanesan Presidente Fundasaun LELAMAR, Vidal de Jesus, ho kodigu “Riak Leman” dehan IBTL harii durante tinan 8 nia laran fundadór no estrutura sira kontente ho avaliasaun ANAAA ba institutu ne’e harii ho objetivu atu apoiu estadu no inan aman sira nia oan bele asesu ba institutu refere.

“BTL  harii durante tinan 8 nia laran ami fundadór no estrutura dosente, inan aman no estudante sira hotu kontente ho avaliasaun hanesan pasu boot ida ba institutu ne’e harii ho objetivu atu apoiu estadu, governu no inan aman sira nia oan labele asesu mai eskola iha Dili tanba menus ekonomia, atu haruka oan eskola iha Dili ho nune’e fundasaun harii IBTL, no agradese ba dosente sira nia dedikasaun tomak too ohin loron hodi halo avaliasaun ba IBTL ho valo C.

Rekomenda ba dosente sira hotu tenke esforsu aan nafatin nune’e ba future bele hetan valor ne’ebé diak husi Avaliasaun ANAAA nian ba tinan lima mai.

Jornalista : Geraldino & Louvino (Estajiadu)

Editor : Media RKDTL