Dili-26/01/2024-Media
Defisiensia, Traballador timor-oan nain hitu
mane neen no feto ida sei aranka ba servisu iha nasaun Japaun, iha area ne’ebé
sira foti, tanba traballador sira ba ne’e iha faze daruak nian.
Tuir
Sekertariu Estadu Formasaun Profisional Empregu Interino Arcenio Pereira da Silva hatete agradese ba
nasaun Japaun liuhusi administradór Timor-Leste nia kooperasaun ho estadu
Timor-Leste, hodi haruka timor-oan ba servisu iha Japaun sira bele hetan
esperensia foun nune’e fila mai Timor hodi aplika iha ita nia rai.
“Agrdese
ba nasaun Japaun liuhusi administradór Timor-Leste tanba ninia kooperasaun ho
ita nia estadu Timor-Leste hodi bele haruka ita nia joven timor oan sira bele
ba servisu iha ne’eba laos ho hanoin ba servisu de’it maibé ba hetan esperensia
foun atu nune’e saida mak sira aprende iha ne’eba saida mak sira halo iha
ne’eba tempu ruma fila fali mai hodi aplika iha ita nia rain”, Dehan Interino
Arcenio iha Salaun SEFOPE Sexta.
Interino
salienta, korajen ba traballadór timor-oan sira tenke servisu di’ak, kuidadu
aan to’o fila fali mai timor hodi haree familia no loke kampu traballu ba ita
nia maluk sira no halo dezenvolvimentu iha Timor-Leste.
“Ami
korajem nafatin ba alin sira para depois
sira ba servisu ho di’ak ho esperansa bo’ot katak imi ba buat hotu sei la’o di’ak
no termina ita boot nia servisu too fila fali mai servi ita nia familia no halo dezenvolvimentu ba
ita rain”, Tenik Diretor.
Mensajen
ba traballador nain hitu katak ita nia
rain dezempregu barak ita rekonese ona
dala barak ita mós seidauk halo kriasaun servisu barak iha pontesialidade barak
iha ita nia rain, ita bele explora sai
fatin halo servisu, maibé dalaruma ita seidauk iha koñesimentu no esperensia presiza
aprende iha nasaun sira seluk, tanba sira ba lori misaun timor no representa
Timor-Leste tanba ne’e hatudu imi nia atetude, dedikasaun no servisu di’ak iha
ema nia rain tenke respeitu kultura, repeitu tempu, respeitu malu husu
traballador sira tenki adapta tuir.
Jornalista : Pascoal
& Nencia J. da Silva
Editor : Media RKDTL
0 Comments