APC REGISTU MAIORIA ANIN SOBU UMA DURANTE SEMANA IDA

 

Dili-29/01/2024-Media Defisiensia, Autoridade Protesaun Sivil (APC) registu dezastre naturais tolu hanesan ahin han uma, rai halai no anin sobu uma iha iha munisipiu 12.

Tuir Xefe Seksaun Relasaun Externa APC Nelson N. de Orleans hatete, durante semana ne’e akontesimentu dezastre naturais ho tipu oin 3 hanesan  anin sobu uma iha municipio Aileu, Ainaro,Baucau, Bobonaro, Covalima, Ermera, Lautem, Liquiça, Mantutu,Manufahi, Viqueque no Raeoa, nune’e mós ahi han uma iha Municipio Baucau, Covalima, Mantutu, Manufahi,Viqueque no Raeoa inklui rai-hali estraga uma iha Municipiu Bobonaru no Ermera, komunidade uma kain 180 mak hetan estragus.

“Akontesimentu 23 to’o 29 iha tipu dezastre 3 ahi han uma, rai-halai no anin sobu uma akontese iha munisipiu Aileu anin sobu uma 2, Ainaro anin sobu uma 6, Baucau anin sobu uma 10 no ahi han uma 2 Bobonaru anin sobu uma 12 no rai-halai estraga uma 7, Covalima anin sobu uma 9, ahi han uma 4, Ermera anin sobu uma 17, rai halai afeta ba uma 4, Lautem anin sobu uma 9,  Liquiça anin sobu uma 31 Mantutu anin sobu uma 4 no ahi han uma 2, Manufahi anin sobu uma 3 no ahi han uma 1, Raeoa anin sobu uma 44 ahi han uma 1,  Viqueque anin sobu uma 11 ahi han uma 2”, Dehan Xefe Nelson iha salaun APC Kaikoli Segunda.

Xefe ne’e saliente, husi parte protensaun sivil halo ona verifikasaun no fó apoiu emerjensia ba maluk sira ne’ebé hetan dezastre naturais hein halo verifikasaun no identifika uma ne’ebé mak hetan estragus makas liu no balun naton.

“Husi parte protesaun sivil halo ona verifikasaun ba dadus sira ne’e no fó apoiu emerjensia ba vitima sira total akontesimentu dezastre naturais husi loron ida too 29 desatre ba vitima hamutuk atus hitu ida husi vitima sira ne’ebé hetan dezastre makas no naton husi parte protesaun sivil sei halo hela verifikasaun hodi define uma sira ne’e at total no at Kaman”, Tenik xefe Nelson.

Daudaun ne’e vitima sira ne’ebé hetan dezastre naturais balun  hela ho viziñu no balun hela iha komandu APC iha Municipio ida-idak nian.

Jornalista : Pascoal & Geraldino

Editor : Media RKDTL