DILI-31/01/2024-Media
Difisiensia, Asosiasaun
Manorin Na’in Timor-Leste realiza pers konferensia kona-ba interpretasaun husi
kordenador gabinete juridiku nian.
Tuir Seretariu Jeral Komisaun Instaladora AMN-TL, Arlindo
F. Da C. Freitas nu’udar portavoz hateten sira lamentasaun ho interpretasaun ba
decreto lei 31/2023,de 31 de Maio,husi koordenador gabinente juridiku
me,prefesorres doutor yazalde ne’ebe interpeta katak;profesores kontratadu 2022
no 2023 la’os ministeriu edukasaun maka hapara maibe sira nia kontratu mak
termina tanba laiha ona nesesidade.
“Ami manorin nai’in ne’ebe halibur-an iha AMN-TL mos
lamenta ho interpretasaun ba Decreto Lei 31/2023, Maio, husi koordenador
Gabinente Juridiku ME,prefesorres Doutor Yazalde ne’ebe interpeta
katak;profesores kontratadu 2022 no 2023 la’os Ministeriu edukasaun maka hapara
maibe sira nia kontratu mak termina tanba laiha ona nesesidade.AMN-TL
konsidera,interpretasaun infatil ne’ebe la konese funsionamentu real durante
decada rua iha Ministeriu edukasaun", Dehan Portavoz Arlindo iha Jardin 5
de Maio Tersa.
Portavoz ne’e salienta sujere ba parte relevante sira
atu iha konsensu nasional ba funsionamentu sistema edukativu iha Timor-Leste ho
lalais tanba setor edukasaun grave no desorganizadu sira dehan nune’e tanba
menus prpfessores atu hanorin alunus sira iha teritoriu nasional.
“Ami sujere ba lider nasional hou-hotu, aman veteranus
no partidus politiku atu iha konsesus nasional ba funsionamentu sistema
edukativu iha Timor-Leste ho urjente no lais, daun-daun ne’e setor edukasaun
grave no desorganizadu estrutural. Ami AMN-TL dehan grave tanba eskola barak
iha teritorio nasional menus profesores atu hanorin alunu sira, ate eskola
balun ameasadu atu taka efeitu husi Ministra edukasaun nia dezisaun hapara
profesores voluntario, reklamente no kontratadu. AMN-TL dehan desorganizado
tanba iha Me, dirijente sira la iha koordenasaun diak ho superior,nune’e
ida-idak halo nia deklaraaun iha publiku ho variadus,sua Excia Senóra ME, mante’in
nia dezisaun liuhusi deklarasaun iha media GMNTV iha loron 22 janeiru 2024
hateten la rekonese alias bandu eskola sira atu simu kualker tipu professor
ne’ebé iha eskola no Diretor Jerais Miniateriu edukasaun halo deklarasaun iha
loron 24 Janeiro 2024 kontrari ho deklarasun Ministra nian ne’ebé hateten Ministeriu
edukasaun la iha sirkular hodi hapara professores iha eskola no husu professores hotu atu kontinua hanorin iha eskola, enkuantu
senór sekretárui estadu halo deklarasaun iha
públiku hateten katak ME sei taka fila fali eskola balun iha teritoriu
nasional tanba ne’e AMN-TL konsidera deklarasaun sira ne’e kontraria",
Tenik Portavoz.
Entretantu AMN-TL ezije ba ministra edukasaun no
sekretariu estadu atu implementa no realiza pagamentu retroativu ba mudansa
progresaun no eskalaun ba profesores permanente ne’ebé konzela durante tinan
walu nia laran, ne’ebé previstu, iha DL
no 31/2023.de 31 de Maiu, kona-ba primeira alterasaun Dekretu Lei 23/2012,9 de
Dezembro,estatutu karreira edukadores de infansia no profesores ensinu baziku, sekundariu, husi kategoria
profisional Grau B ba kategoria profisinal Grau A.
Jornalista :
Anjelmo & Nencia J. da Silva
EDITOR: Media RKDTL
0 Comments