AEAL-TL PREPARA PROGRAMA HODI ALASTRA BA BAUCAU

 

Dili-25/01/2024-Media Defisiensia, Asosiasaun Ema Afeta Lepra Timor-Leste (AEAL-TL), Prepara programa hodi alastra ba munisipiu sira ne’ebé sai tarjetu ba programa husi asosiasaun ba tinan 2024.

Tuir Diretor AEAL-TL Joel Costa dos Santos hatete asosiasaun nia parte sei planu hela programa hodi responde ba situasaun ne’ebé afeta ba ema iha Timor-Leste kona-ba moras lepra tanba ne’e planu sei alastra ba munisipiu Baucau hodi haree pasiente sira ne’ebé sedauk hetan tratamentu ba moras lepra.  

“Asosiasaun plano hela  programa ida ne’ebé responde ba situasaun afeta iha timor liuliu liga iha Dili tanba  aososiasaun lepra   minicipio Dili tinan ida ne’e ami planu oinsá atu alastra ba municipio Baucau tanba tinan kotuk barak liu kona reaksi sira la hatene manajemen ba reaksi  sira ne’ebé iha no la hatene katak municipiu sira oras ne’e dadauk sira mós sofre hela moras no abandona sira presiza tulun husi asosiasaun ho ida ne’e ami planu programa hodi halo tratamentu ba pasiente sira”, Dehan Diretor Joel iha AEAL-TL Bemori Kinta Semana ne'e 16/01

Diretór AEAL salienta asosiasaun nia parte hatene sinal moras lepra ne’e akontese barak iha sosiedade nia leet no sosiedade barak mak menus atu relata sira nia kazu moras sira ne’e ba parte saude sira kontinua abandona tanba ne’e asosiasaun presiza buka hatene hodi halo tratamentu.

“Ami hatene sinal moras lepra barak iha sosiedade nia leet maibé sosiedade ladun komprende diak oinsa mak atu relata aan espera tinan ne’e bele relata kazu foun ne’ebe mak abandona hela asosiasaun atu tulun ema afeta lepra hodi tuir tratamentu ba moras sira”, Tenik Joel.

Entretantu dadaun ne’e sira tau grupu ida iha Metinaru no Hera sai hanesan grupu ida ne’ebe fó exmplu  ba munisipiu seluk tanba durante asosiasaun nia atividade konsege redus moras lepra  4%  iha timor maibé barak mak sedauk relata aan ba asosiasaun hodi halo tratamentu tanba asosiasaun nia esperansa ba governu nafatin kompremisu katak saude naftin gratuita ba ema hotu no sentru saude tenke besik ba komunidade no husu governu atu kontinua implementa asuntu ne’e iha futuru.

 

Jornalista : Geraldino & Alexandre

Editor : Media RKDTL