TELEKOMUNIKASA INDONESIA INTERNASIONAL (TL), S.A. FAHE KSOLOK NATAL BA UMA KAIN 11

 

Dili-22/12/2023-Media Defisiensia, Kompaña husi Telkomcel fahe ksolok Natal 2023 e Ano novo 2024 ba Uma Kain sanulu resin ida iha Balide Rai Hun hodi hatudu ksolok no domin Natal nian ba Komunidade sira ne’ebe presiza tebes Nesesidade.

Tuir Maneger Corporate Secretary Joana Miranda Perreira hatete objetivu husi asaun ne’e Telkomcel fahe ksolok Natal nian ba Komunidade, hodi hakbesik-an ba familia faluk no oan kiak sira ne’ebe presiza tebes nesesidade basika, nune’e mos asaun hirak ne’e Telkomcel fo labele hare liu ba kuantide maibe telkomcel fahe ho domin no ksolok.

“Objetivu husi asaun nee Telkomcel fahe kslolok tamba empreja hakarak kada familia idak-idak iha Timor-Leste selebra loron Natal ho tinan foun hamutuk i haksolok ho sira nia familia, tamba ne’e mak empreja ohin loron hakbesik aan ba familia, faluk no oan kiak uma kain hamutuk 11 iha area balide rai hun hodi fahe nesesidade basiku ba sira i la hare ba ninia quantidade maibe hare ba apoiu mai husi fuan no ami serve ho domin. Iha biban ne’e mos Sra Joana hateten ita hotu sei reza ba malu i reza mos ba empreja nune’e halo Inovasaun ba Nasaun hodi kontribui ba Dezenvolvementu Nasaun,” Dehan Maneger Corporate Secretary iha Balide Rai Hun.

Iha fatin hanesan Pendeta Franscisco dos Reis husi Igreja Evanjelika de Deus hato’o Agradese wa’in ba Kompania Telkomcel tanba ho Grasa Na’i Maromak nian kompania ne’e bele hetan bensaun no sai kanal bensaun no gratidaun ba benefisiariu sira. 

“Ha’u nia sentimentu no gratidaun ho aksaun de Grasa ba Maromak ne’ebe laran diak, loke ita boot sira husi Kompaña Telkomcel ho Espiritu ha’u hanoin festeza loron Natal ho Tinan foun ida ne’e bele lori ksolok, domin no dame ba ita hotu, no ami agradesementu ba Kompania Telekomcel iha ami nia Orasaun Espektativa ba Kompaña ne’e bele sai bensaun no kanal ida ne’ebe diak liu,” hakotu Pastor Franscisco iha fatin Balide Rai Hun.

Entretantu Sasan hira ne’ebe Telkomcel fahe mak hanesan Fos, Bimoli, Deho, Rinso, Fehuk ropa, Dose no seluk tan ba Familia faluk, Defisiensia no oan kiak sira iha Balide Rai Hun no Bekuse hamutuk uma kain sanulu resin ida.

Jornalista: Ermenciana Alves

Editor: Media RKDTL