Aileu-06/11/2023-Media Defisiensia,
Servisu Saúde Munisipiu Aileu hala'o Tratamentu dahuluk ba Veteranos sira iha
Esifisiu Veteranos Munisípiu Aileu.
Iha intervista ba jornalista sira Xefe
Departamentu Programa Rigeiro da Conceicao hatete, objetivu husi atividade ne'e
atu detekta Veteranos sira ne'ebé durante keta iha moras ruma tenke ba halo
tratamentu.
"Servisu saúde Munisipiu Aileu ohin
mai realiza atividade tratamentu ba Veteranos sira iha Munisípiu Aileu espesial
iha kampaun Veteranos nian ho objetivu atu detekta Veteranos sira veteranas
sira kombatentes sira karik balun sofre hela moras hanesan ran midar problema
fuan, tensaun as no mós moras seluk sira ne'ebé mak dalaruma sira afeta hela
entaun ita realiza atividade konsulta ida ne'e para hodi detekta bainhira
kuandu sira iha moras ne'ebé ohin ha'u temi ita bele halo kedas tratamentu sedu
atu sira la bele moras sai grave, tanba ita hare fulan ba fulan ita nia
veteranos sira mate barak mak sofre hela estruk ran midar entaun hirak ne'e mak
lori ita ba halo atividade ne'e,"dehan Xefe Departamentu Programa.
Nia hatutan, atividade ne'e primeiru
realiza aproveita ho sira halo verifikasaun dadus ba Veteranos nian entaun bele
halo kedas teste hodi halo tratamentu karik iha moras ruma.
Entretantu lia ne'e hato'o hafoin
Veteranos sira halo hela verifikasaun dadus iha Esifisiu Consellu Veteranos
Munisipiu Aileu nian.
Jornalista: Alexandre Salsinha
Media: RKDTL
0 Comments