SECOMS ASINA KONTARATU HO JESTORES RADIU KOMUNIDADE 17

 
Dili-24/11/2023-Media Defisiensia, Sekretariu Estadu Komunikasaun Sosial (SEKOMS) asina kontratu ho Jestores Radiu Komunidade sanulu resin hitu (17) hodi apoiu programa ne’ebe Radiu Komunidade ida-idak hala’o ona.

Iha intervista ba Jornalista sira Sekretariu Estadu Komunikasaun Sosial (SEKOMS) Expedito Dias Ximenes hateten IX Governu Konstituisional nafatin tau atensaun ba Radiu komunidade sira tanba radiu Komunidade balu seidauk iha kondisaun hodi hala’o servisu iha Radiu Komunidade sira

“Ohin hau halo  enkontro ho jestor sira iha radio hot-hotu iha  timor laran tomak hamutuk radio sanulu resin hitu 17 hanesan ita hotu hatene iha programa IX Governo Constituisional nian iha tinan lima iha area Komunikasaun Sosial Radiu Komunidade mos sai preoridade ba iha  IX Governo Constituisional ba hau depois de hau halo vizita ba radio comun idade balu iha leste ho oeste rezumu ne’ebé hau hetan katak radio comunidade sira persiza ita portifika ita presiza fo atensaun tanba radio comunidade balu laiha condusoens ne’ebé diak mak sira labe halao sira nia knar hanesan radio comunidade sira nia le’et” Dehan Expedito Dias Ximenes iha Salaun PCM.

Nia hatutan orsamentu ne’ebe SECOMS fo apoiu liu husi asina akordu ho Jestor sira ho montante ne’ebe lahanesan hodi haforsa sira nia servisu no orsamentu ne’ebe sira hetan  bazeia ba programa  husi Radiu Komunidade ne’ebe iha ona no mos fo apoiu ekipamentus, transporte, no Studio ba Radiu Komunidade balu ne’ebe presiza.

“Ohin IX Governu Konstituisional liu husi nia Orsamentu ne’ebé tau iha SECOMS fo apoiu liu husi akordu ohin asina ho Jestor Radiu Komunidade sira hotu ho montante ne’ebé lahanesan total osan ne’ebé SECOMS transfer ba iha radio Komunidade sentus um mill dolares ba sira atu sira bele fortifika sira nia servisu formador liña frente liña formasaun nian iha Komunidade sira nia le’et hanesan balu persiza transporte balu persiza le’eptop balu persiza Computador balu persiza hadia sira nia Estudio kiik oan ne’ebé iha Radiu Komunidade sira nia le’et apoiu ne’ebé ohin governu fo atu sira fortifika sira nia servisu liu– iu ba area Kobertura no mos ba iha formasaun” katak  Expedito

Entretantu iha Sorumutu ba akordu asina kontratu ho Jestor/a sira husi Radiu Komunidade sanulu resin (17) iha Dili no Munisipiu sira.

Jornalista: Anselmo J.M. da Costa Martins

Editor: Media RKDTL